2024 жылдың 13 қыркүйек күні “Мирас” колледжі мекемесінің студенттері Шымкент қаласының Ішкі саясат және Жастар істері жөніндегі басқармасының тапсырысы бойынша Азаматтық бастамаларды қолдау орталығының мемлекеттік гранты аясында «Жастар арасында салауатты өмір салтын қалыптастыру бойынша «Fitness Park KZ» жобасын іске асыру» жобасы аясында Шымкент қаласының саябағында тәжірибелі жаттықтырушылармен спорттық жаттығулар өткізілді.
Ұлттық құрылтайдың үшінші отырысында мемлекет басшысы Қасым Жомарт Тоқаев «Лудомания – бейбіт күнде елдің шырқын бұзып жатқан қатер. Соның кесірінен талай шаңырақ шайқалды. Талай азамат заң бұзып, қылмысқа ұрынды» деп атап өтті. Осыған орай, тақырыптың өзектілігін ескере отырып “Мирас” колледжі мекемесінің психологтары “Оқушылар арасындағы нашақорлық пен лудоманияға қарсы профилактикалық жұмыстар” тақырыбында студенттерге семинар өткізді.
2024 жылдың 11 қыркүйек күні “Мирас” колледжі мекемесінде “Жастар ресурстық орталығы” КММ-нің ұйымдастыруымен ҚР президенті Қасым-Жомарт Кемелұлы Тоқаевтың 2024 жылғы 2 қыркүйектегі халыққа жолдауын жастар арасында кеңінен насихаттау мақсатында, Қазақстанда атом электр станциясын (АЭС) салу мәселесі бойынша кездесу өтті.
Кездесудің мақсаты – жастарға АЭС салудың маңыздылығы, оның экологиялық және экономикалық артықшылықтары жайлы ақпарат беру, сондай-ақ осы мәселе бойынша пікір алмасу болды.
Кездесу барысында АЭС-тің елдің энергетикалық қауіпсіздігін қамтамасыз етудегі рөлі мен оның қоршаған ортаға тигізетін әсерін түсіндірді. Олар атом энергиясын пайдаланудың көміртегі шығарындыларын азайтуға және энергетикалық тәуелсіздікті нығайтуға көмектесетінін атап өтті.
2024 жылдың 6 қыркүйек күні «Мирас» колледжі мекемесінде «Тіл-достықтың алтын көпірі» атты іс-шара өтті. Тіл, сөз дегеніміз - ата - бабамыздан келе жатқан ел дәстүрі. Бұл дипломатиялық құрал халықтың бүкіл сана - парасатын, биіктігі мен тереңдігін паш ететін үлкен өнер. Тіл - адамдар арасындағы қасиетті қатынас құралы.
Мақсаты: Тәуелсіз елімізде өмір сүріп отырған түрлі ұлт өкілдері арасындағы достық пен бірлікті нығайту барысында мемлекеттік тілге құрмет сезімдерін қалыптастыру, үш тілдік саясатын дамыту.
2024 жылдың 5 қыркүйек күні «Мирас» колледжі мекемесінде білім алушыларға сыбайлас жемқорлыққа қарсы мәдениетті қалыптастыру, адалдық, парасаттылық ұғымын насихаттау мақсатында тәрбиелік мәні бар біріңғай «ӘДІЛЕТТІ ҚАЗАҚСТАН – АДАЛ АЗАМАТ – ОЗЫҚ ОЙЛЫ ҰЛТ» және «ЗАҢДЫ БІЛУ – ЗАМАН ТАЛАБЫ» тақырыбында адалдық сағаттары өткізілді. Мақсаты: Жастарға адам құқықтары мен бостандықтары жайлы баптардан түсінік қалыптастыру, құқықтық білімдерін толықтыру. Адамгершілік, ізгі қасиеттер мен ар – ождан бостандығына, адалдық пен мейірімділікке баулу арқылы құқықтық тәрбие беру;Адалдық сағатты құқытану маманы Таубаева А.М мен колледж кітапханашысы Төребекова Г.И өткізді. Қазақстанның адал ұрпақтарын тәрбиелеуге байланысты өзекті мәселелер талқыланды. Білім алушылар сауалдарға жауап беріп, белсене қатысты.
«Мирас» колледжі мекемесінде 1 Қыркүйек Білім күніне орай «Білімге ұмтылу, еңбексүйгіштік және патриотизм» атты Білім күніне арналған салтанатты жиын өтті.
Қазақстанның болашағы жастар еншісінде екенін ескерсек, жастардың сапалы білім алып, тәрбиелі, парасатты азамат болып қалыптасуына ұлағатты ұстаздарымыздың, қоғамның да ықпалы зор екені анық.
03.07.2024 жылы Мирас колледжі мекемесінде бітіруші түлектерге арналған диплом табыстау рәсімі өтілді. Салтанатты іс-шараны колледж директоры Абуева Нургуль Курбановна ашып, үздік үлгіде диплом алушы студенттерге диплом табыстады.
10.06.2024 жылы Мирас колледжі мекемесінде «Ең үздік оқырман» тақырыбында іс-шара өтті. Іс-шара барысында білім алушылар өз өнерлерін көрсетіп, жылдық есеп бойынша арнайы орындармен және сыйлықтармен марапатталды.
Мақсаты:Оқырмандарды кітап оқу өнеріне, дүниетанымын кеңейтуге, кітапқа деген қызығушылығын арттыру, ғылым мен білімнің пайдасы жайлы түсіндіру, кітапты күтіп ұстауға үйрету.
2023-2024 оқу жылында атқарылған жұмыстардың есебі,сонымен қатар сүйікті ақын-жазушыларының бір шығармасын жеткізе орындау.
11.06.2024 жылы Мирас колледжі мекемесінде «Нашақор болмаудың 100 себебі» тақырыбында пікірталас ұйымдастырылды.
Мақсаты: Жастарды ескірткіден , нашақор болудан сақтау. Есірткілерді тұтыну психикалық және тәндік тәуелділікке, адам тұлғасының кейде азғындалуға дейін өзгеруіне, денсаулығының нашарлауына (ауруларға және асқынуларға) әкеліп соғады және өміріне қауіп төндіреді.
03.06.2024 жылы Мирас колледжі мекемесінде Қазақстан Республикасының Мемлекеттік рәміздер күніне байланысты іс-шара өткізілді.
1992 жылы маусым айының 4-ші жұлдызы - Мемлекеттік рәміздер күні ретінде қабылданды. Бұл күн еліміздің мемлекеттік рәміздері - Туы, Елтаңбасы, Әнұраны дүниеге келген күн .
