Жаңалықтар

«Мирас» колледжінде «Ерте жүктіліктің алдын алу шаралары, қыздардың репродуктивті денсаулығын сақтау дағдыларын қалыптастыру, қыздар гигиенасы» тақырыбында ақпараттық жиналыс өткізілді. Кездесуді ЖШС «Vip Service 17» медициналық орталығының гинекологы. Садбенова Гулзат Журнбаевна жүргізді. Жиында қыз балаларға өз денсаулығын күту, ерте жүктіліктің алдын алу, жеке гигиена мен жауапкершілік, тұрмыстық зорлық-зомбылық туралы маңызды мәліметтер берілді. Мұндай кездесулер – жастардың саналы, салауатты өмір салтын ұстануына үлкен үлес қосады.

2025 жылдың 3 қазан күні «Мирас» колледжінде Мұғалімдер күніне арналған мерекелік іс-шара өтті. Бұл күн – ұрпақ тәрбиелеу жолында аянбай еңбек етіп жүрген ұстаздарға деген алғыс пен құрмет күні.

Мерекелік шара барысында колледж басшылығы мен студенттер ұстаздарға ыстық ықыластарын білдіріп, алғыс хаттарын табыстады. Концерттік бағдарламада студенттердің әні мен биі, арнау өлеңдері мен көріністері көрерменге көтеріңкі көңіл-күй сыйлады.

2025 жылдың 25 қыркүйегінде "Дүниежүзілік туризм күніне" орай, "Туризм" мамандығының 1 курс студенттерімен Шымкент қаласына автобуспен экскурсия жасалынды. Бұл экскурсияның мақсаты: стууденттерге "Туризм" мамандығы бойынша теориялық білімдерін практикамен ұштастыру мүмкіндігін беру, қаланың мәдени, тарихи, архитектуралық нысандарымен таныстырып, туған өлке туралы білімдерін тереңдету, Шымкент қаласындағы туристік әлеуеті бар орындарды көрсетіп, олардың ерекшеліктерін түсіндіру, болашақ туризм мамандары ретінде экскурсия ұйымдастыру мен оны жүргізу тәжірибесін көрсету, сонымен қатар, студенттердің бір-бірімен және оқытушылармен қарым-қатынасын нығайту, топта жұмыс істеу қабілетін дамыту және мамандығына деген сүйіспеншілігін арттырып, мотивация беру.

2025 жылы белгілі жазушы, сатирик, ақын Асқар Тоқмағамбетовтың туғанына 120 жыл толуына орай «Асқар ақын» атты дөңгелек үстел ұйымдастырылды.

2025 жылғы 19 қыркүйекте «Мирас» колледжі мекемесінде студенттер арасында дәстүрлі Колледж Президентінің сайлауы өтті. Бұл маңызды шараға студенттер белсенді түрде қатысып, өз таңдауларын жасады.Сайлау науқаны барысында үміткерлерге үгіт-насихат жұмыстарын жүргізуге жеткілікті уақыт беріліп, әділ әрі ашық дода ұйымдастырылды. 2025 жылғы 23 қыркүйекте, колледж директоры Абуева Нургуль Курбановна дауыс беру нәтижелерін ресми түрде жариялап, жаңа Президенттің есімін атады.

2025 жылдың 19 қыркүйегінде шет ел мұғалімімен, студенттер кездесуге қатысты. Шараның негізгі қонағы мырза Джон Жетістік пен сәтсіздік тақырыбында ой бөлісті.

2025 жылдың 19 қыркүйек күні «Мирас» колледжінде ата-аналар жиналысы ұйымдастырылды. Жиналыс барысында барлық білім алушылардың ата-аналарына колледждің ішкі және сыртқы тәртібі, оқу жүйесі таныстырылды. Колледж директоры Абуева Нургуль Курбановна ата-аналармен танысып, жаңа оқу жылымен құттықтап, олардың қойған сұрақтарына жауап берді.

Бала тәрбиесіндегі ата-ана мен колледж ынтымақтастығы – табыстың кілті!

2025 жылғы 19 қыркүйек күні «Мирас» колледжінде жастар арасында отбасылық құндылықтарды нығайту және ажырасудың алдын алу тақырыбында кездесу өтті. Ұлдар мен қыздарға жеке-жеке жиналыс ұйымдастырылып, отбасылық жауапкершілік, сүйіспеншілік пен сыйластықтың маңызы талқыланды.

Берік отбасы – мықты қоғамның кепілі!

2025 жылдың 16 қыркүйегінде “Мирас” колледжі мекемесінде Колледж президенті лауазымына үміткерлер арасында өзін-өзі қорғау күні өтті.
Үміткерлер өз идеяларын ұсынып, колледждің дамуына деген көзқарастарын ортаға салды. Барлық қатысушылар белсенділік танытып, нағыз көшбасшы болуға лайық екендерін көрсетті. Барша кандидаттарға сәттілік тілейміз!

2025 жылдың 12 қыркүйек күні «Мирас» колледжі» мекемесінде «Қабылдаудан прогреске: ҚР Конституциясының тарихы» тақырыбында кітап көрмесі өткізілді.