Жаңалықтар

04.12.2025ж – WorldSkills Kazakhstan 2025 старт алды – білім мен шығармашылықтың үлкен аренасы! Бүгін чемпионатты күткен сол ерекше сәт — 1-күннің тапсырмалары ресми түрде старт алды!

Бүгін «Мирас» колледжінде «Ерлер денсаулығы, ерте жыныстық қатынастың зияндылығы және жыныстық жолмен берілетін жұқпалы аурулар» тақырыбында маңызды семинар жүргізілді. Семинарды «VIP Service 17» клиникасының дәрігер-хирургі Дариев Абуали Базарбайұлы өткізді.

Бүгін, 3 желтоқсан күні, Астанадағы «Qazaqstan» жеңіл атлетикалық спорт кешенінде көптен күткен WorldSkills Kazakhstan 2025 X Республикалық чемпионатының ашылу салтанаты өтіп жатыр! Бұл – еліміздің ең үздік жас мамандары бір алаңда жиналып, кәсіби шеберлік пен инновацияның жаңа деңгейін көрсететін тарихи сәт.

«Мирас» колледжі мекемесінде Қазақстан Республикасының Қаржылық мониторинг агенттігі әзірлеген “Qarzhy Sagsyhy” компьютерлік ойыны студенттерге тәжірибелік түрде ойнатылуда. Іс-шараның мақсаты – жасөспірімдердің қаржылық алаяқтық схемалары туралы хабардарлығын арттыру (қаржы пирамидалары, дропсервисинг, цифрлық гигиена және т.б.).

«Мирас» колледжінде студенттерге «Курьер» тақырыбында тәрбиелік бейнематериал көрсетілді. Көрсетілім барысында студенттерге заңсыз курьерлік қызметпен байланысты тәуекелдер, тыйым салынған посылкаларды жеткізудің жауапкершілігі және заңды сақтау маңыздылығы түсіндірілді. Іс-шара жастар арасында құқықтық сауаттылықты арттыруға және құқықбұзушылықтардың алдын алуға бағытталған.

«Мирас» колледжі мекемесінде «Есірткі – жастықтың жұлын құрты» тақырыбында студенттерге арнайы бейнематериалдар көрсетіліп, зиянды заттардың адам денсаулығына және болашаққа тигізетін кері әсері түсіндірілді. Іс-шараның мақсаты – жастарды есірткіден сақтандыру, дұрыс таңдау жасауға бағыттау және салауатты өмір салтын насихаттау.

«Мирас» колледжінде студенттерге арналған «Дропқа айналма!» тақырыбында тәрбиелік бейнематериал ұсынылды. Студенттер жасөспірімдер мен жастар арасында алаяқтықтың алдын алу және қаржылық сауаттылықты арттыруға бағытталған оқыту фильмдерін тамашалады.

"Мирас" колледжі мекемесінде «Закладчик және есірткіге қарсымыз!» тақырыбында студенттерге тәрбиелік бағыттағы бейнероликтер көрсетілді. Іс-шараның мақсаты – жастар арасында есірткіге қарсы иммунитет қалыптастыру, заңсыз әрекеттердің қауіптілігін түсіндіру және алдын алу жұмыстарын күшейту.

"Мирас" колледжі мекемесінде «Зорлық-зомбылыққа қарсы 16 белсенді күн» халықаралық кампаниясы аясында «Біз цифрлық зорлық-зомбылыққа қарсымыз!» атты флешмоб өткізілді.

«Мирас» колледжі мекемесінде заңсыз қаржылық әрекеттерге, соның ішінде «дропперлікке» қарсы күрес бойынша студенттерге деректі бейнематериалдар көрсетілді.