Жаңалықтар

2024 жылдың 10 қазан күні “Мирас” колледжі мекемесінде Шымкент қаласының Ішкі саясат және Жастар істері жөніндегі  басқармасының тапсырысы бойынша Азаматтық бастамаларды қолдау орталығының мемлекеттік гранты аясында «Жастар арасында отбасылық құндылықтарды нығайту бойынша "Отбасы институты" жобасын ұйымдастыру» әлеуметтік жобасы аясында медиатор- мамандардың, психологтардың қатысуымен «Ұлдар кеңесі» өтілді. Кездесудің мақсаты- студенттерге отбасы құндылықтарын дәріптеу, жауапкершілік алу және де алдағы өмірлеріне мақсат қоя білу.

2024 жылдың 9 қазан күні “Мирас” колледжі мекемесінде Шымкент қаласы ішкі саясат және жастар ісі жөніндегі басқармасының тапсырысымен “Қарттары бар- елдің қазынасы бар” әлеуметтік жобасы бойынша студенттермен тақырыптық кездесу өткізілді.
Кездесудің мақсаты студенттердің бойына халқымыздың асыл қасиеттерін сіңіру, үлкенді сыйлау, өз ата-бабасын ұмытпай сақтау үшін және салт-дәстүрден нәр алып өсуіне , инабаттылыққа, жақсы мен жаманды ажырата білуге аталы сөзден ғибрат алуға тәрбиелеу.

«Мирас» колледжі мекемесі «WorldSkills Shymkent -2024»  кәсіби шеберлік чемпионатының аймақтық кезеңіне  9 құзыреттілік бойынша 20 студент қатысып жүлделі орындар алған болатын. Осыған орай  «Мирас» колледжі мекемесінің Құрылтайшысы атынан жеңімпаздарға сыйақы табысталды !!! Жеңістеріңіз құтты болсын, биік жетістіктерге жете беріңіздер!!! 

«Мирас» колледжі мекемесі студенттерінің бірлесіп ұйымдастыруымен «Ұстаздар күніне» орай «Ұстазым-ұлы тұлғам» атты мерекелік іс-шара өтті.
Мерекелік іс-шараның басты мақсаты – білім беру саласында аянбай еңбек етіп жүрген ұстаздарға құрмет көрсету және олардың қоғамдағы маңызды рөлін атап өту.
Мерекелік іс –шара барысында колледж студенттері ұстаздар қауымына алғыс сөздерін айтып,ыстық лебіздерін білдірді. Мерекелік іс-шара барысында колледжіміздің ұстаздарына колледж директоры Абуева Нургуль Курбановна арнайы алғыс хатпен марапаттады.

2024 жылдың 1 қазан күні “Мирас” колледжі мекемесі Қарттар күніне орай колледжімізден зейнетке шыққан Салмова Людмила Михайловнаны мерекемен құттықтады.

2024 жылдың 30 қыркүйек күні «Мирас» колледжі мекемесінде «Бала қауіпсіздігі-қоғам келешегі» тақырыбында педагогикалық жиналыс өткізілді.Мақсаты:студенттердің қауіпсіздігін қамтамасыз ету шараларын өзектендіру, “Біртұтас тәрбие” бағдарламаларын, әсіресе, балалардың қауіпсіздігіне бағытталған әлеуметтік жобалармен тәжірибелерді сапалы түрде іске асыруға тапсырма берілді.

2024 жылдың 27 қыркүйек күні “Мирас” колледжі мекемесінде «Бүкіләлемдік туризм күні!» мерекесіне орай ұйымдастырылған кітапханаға саяхат және кітап көрмесі өтті. Мақсаты - туризмді насихаттау, оның әлемдік қауымдастықтың экономикасына қосар үлесін айту, әртүрлі елдер халықтарының арасындағы байланысты дамыту. Кітапханаға Туризм саласы бойынша келіп түскен кітаптармен таныстыру.Қатысушы топ Т-241г.

2024 жылдың 27 қыркүйек күні «Мирас» колледжі мекемесінде білім алушылардың қауіпсіздігін қамтамасыз ету шараларын өзектендіру бойынша ата-аналар жиналысы өтті. Әрбір ата-ана балаларының қауіпсіздігін қамтамасыз етіп, оларды әлеуметтік медиа мен интернеттің зиянды әсерінен қорғауы тиіс екендігі туралы түсіндірме жұмыстары жүргізілді.

2024 жылдың 27 қыркүйек күні "Мирас" колледжі мекемесінде Еңбек күніне арналған дебат турнирі өткізілді. Дебат турнирінің мақсаты: студенттерге Қазақстан Республикасындағы еңбектің маңыздылығын хабардар ету,еңбек адамының құқықтарын талқылау,білім беру жүйесінде кәсіби бағдарлау жұмыстарын жандандыру.Колледжіміздің пікірсайысшылары "Б.П. төрт күндік жұмыс аптасын енгізу"және “Қазақстандағы барлық букмекерлік кеңселерге тиым салады” атты қарарлар бойынша пікір таластырды.Колледжіміздің студенттеріне алғыр ойлары мен белсенді қатысқандары үшін алғыс білдіреміз.

2024 жылы 20 қыркүйекте «Мирас» колледжі мекемесінде студенттер арасында колледж Президентінің сайлауы өтті.Үміткерлердің сапалы үгіт-насихат жұмыстарын жүргізуге уақыт жеткілікті болды. 2024жылы 24 қыркүйекте колледж директоры Абуева Нургуль Курбановна Президентті ресми түрде жариялады. Дауыс беру нәтижесі бойынша 41,3%  Рахманберді Дастан Ғалымжанұлы жеңіске жетті.