Жаңалықтар

Бүгін, 2025 жылдың 10 қарашасында, «Мирас» колледжінде өзін-өзі басқару күні өтті.

Мерейтой – өткенге тағзым, болашаққа нық қадам!

2025 жылдың 13 қараша күні «Мирас» колледжінде оқу ордамыздың 20 жылдық мерейтойы аясында «Заң және тәртіп» тақырыбында студенттер арасында мазмұнды семинар өтті. Іс-шара барысында жастарға құқықтық мәдениетті қалыптастыру, заңға құрметпен қарау және қоғамдағы тәртіптің маңызы туралы құнды ақпараттар берілді. Студенттер белсенді түрде пікір алмасып, өз құқықтары мен міндеттері жөнінде тереңірек мағлұмат алды. Осындай кездесулер жас ұрпақтың құқықтық сауаттылығын арттырып, жауапты азамат ретінде қалыптасуына үлкен үлес қосады.

2025 жылғы 13 қарашада «Мирас» колледжінде колледждің  20 жылдық мерейтойына арналған «Жарнама агенті – студенттік нұсқа» байқауы өтті, сондай-ақ 10 қараша – Цифрландыру және ақпараттық технологиялар саласы қызметкерлерінің күніне орай іс-шара ұйымдастырылды. Іс-шара екі маңызды мерекені біріктіріп, студенттерге шығармашылық жарнамалық жобаларын таныстыруға мүмкіндік берді.

2025 жылдың 13 қараша күні "English Mastery Challenge" тақырыбында «Мирас» колледжінің 20 жылдық мерейтойына орай ағылшын тілі пәні бойынша шетелдік мұғалімнің қатысуымен зияткерлік сайыс ұйымдастырылды.Мақсаты: Студенттердің ағылшын тіліне деген қызығушылығын арттыру, тілдік дағдыларын дамыту, шетелдік маманмен еркін қарым-қатынас орнатуға мүмкіндік беру және халықаралық мәдениетпен таныстыру.

13.11.25 «Мирас» колледжінде «Мектепке дейінгі тәрбие және оқыту» мамандығы бойынша «Мектепке дейінгі жастағы балалардың дамуына ойын арқылы ықпал ету» тақырында студенттерге арналған семинар-тренинг өтілді. Студенттерге ойынның мектепке дейінгі балалардың дамуына әсері туралы түсінік беріліп, ойын түрлерін қолдану арқылы танымдық, тілдік және әлеуметтік дағдыларды дамыту жолдарын көрсетілді. Студенттер кері байланыс жасап, өз ойларын ортаға салды.

Бүгін, 2025 жылдың 12 қарашасында, «Мирас» колледжінде оқу орнының 20 жылдық мерейтойына орай Бастауыш білім беру мамандығының студенттері арасында дебат өтті.

Талқылау барысында қазіргі таңда өзекті тақырыптардың бірі — мектеп формасы жайлы пікірлер ортаға салынды.Ойын соңында үздік пікірталасшылар анықталып, жеңімпаздар марапатталды!

Бүгін, 2025 жылдың 12 қарашасында, «Мирас» колледжінде оқу орнының 20 жылдық мерейтойы қарсаңында “Тігін өндірісі және киімдерді үлгілеу” мамандығының студенттері арасында “Дизайнер-Эскиз” атты конкурс өтті.Конкурс студенттердің сән үлгілеу және сурет салу бағытындағы шығармашылық қабілеттерін дамытуға және эскиз салудағы жылдамдық, дәлдік пен эстетикалық талғамды қалыптастыруға бағытталған. Сайысқа түскен қатысушыларымыз жүлдері орындармен марапатталды.

Бүгін, 2025 жылдың 12 қарашасында, «Мирас» колледжінде оқу орнының 20 жылдық мерейтойына арналған “Красоты осени” атындағы байқауы өтті.Іс-шара барысында колледждің жетістіктері мен даму жолы таныстырылып, ұстаздар мен білім алушыларға алғыс білдірілді. Мерейтой – өткенге тағзым, болашаққа нық қадам!

«Мирас» колледжінің 20 жылдық мерейтойына орай! Бүгін колледж базасында «Стартап Мирас: білімнен бизнеске!» атты қалалық стартап-жобалар байқауы өтті. Жобаға қатысқан колледж студенттері өз идеяларын жүзеге асыруда табандылық, инновациялық көзқарас пен креативтілікті көрсетті. Мерейтой аясында ұйымдастырылған бұл іс-шара студенттердің біліктілігін арттыруға және инновациялық ойлауын дамытуға бағытталды.

2025 жылдың 12 қарашасы күні «Психологиялық денсаулық және көңіл күй күйзелістерінің алдын алу» тақырыбында «Отау Мед» және «Вип Сервис 17» клиникаларының психолог-дәрігерлері — Әбішова Ақжарқын Доқтырбаевна мен Тоқан Ұлбосын Нұрғалиқызы студенттермен кездесу (жиналыс) өткізді.Кездесу барысында мамандар психологиялық денсаулықты сақтау, күйзелістің алдын алу жолдары, эмоциялық тұрақтылықты дамыту тәсілдері жөнінде кеңес беріп, студенттермен ашық пікір алмасты.