Жаңалықтар

20.02.2026 күні "Мирас" колледжінде тіл тасымалдаушы Mr.John білім алушылармен , "Entertainment and culture" атты тақырыбында "Communication club" өткізді.

Қауіпсіздік – әрбір азаматтың өмірі мен денсаулығын сақтаудағы ең маңызды міндеттердің бірі. Осы орайда Мирас колледжі студенттері арасында «Қауіпсіздік – басты міндет» тақырыбында профилактикалық сабақ өткізілді.

«Мирас» колледжінде студенттердің құқықтық сауаттылығын арттыру және еңбек қауіпсіздігі мәдениетін қалыптастыру мақсатында «Студент еңбегі: қауіпсіздік, құқық және жауапкершілік» тақырыбында дөңгелек үстел ұйымдастырылды. Іс-шара барысында студенттерге еңбек шартының маңызы, жұмысқа орналасу кезінде келісімшарттың заңды түрде рәсімделуі, қызметкердің құқықтары мен міндеттері туралы жан-жақты түсіндірілді. Сонымен қатар, заңсыз жұмыс істеудің салдары, көлеңкелі еңбек қатынастарының қауіптері және құқықтық жауапкершілік мәселелері талқыланды.

19.02.2026ж. күні «Мирас» колледжінде ата-аналармен тығыз байланыс орнату және білім алушылардың тәрбиесі мен оқу үлгерімін жақсарту мақсатында ата-аналар жиналысы және тренинг сабағы ұйымдастырылды. Тренинг сабағының тақырыбы: «Ата-ана мен колледж: тұлға тәрбиесіндегі ортақ жауапкершілік». Іс-шара барысында студенттердің тәртібі мен оқу үлгерімі, колледждің ішкі тәртіп ережелері, сондай-ақ отбасы мен колледж арасындағы ынтымақтастықтың маңызы кеңінен талқыланды. Ата-аналарға баланың білім алуына бақылау жүргізу, тәртіпке баулу, жауапкершілігін арттыру, сондай-ақ колледжбен тұрақты байланыста болудың қажеттілігі түсіндірілді.

18.02.2026 ж. күні «Мирас» колледжінде «Жасөспірімдердің репродуктивті денсаулығы; ерте жүктіліктің алдын алу» тақырыбында 1 курс білім алушы қыздар арасында профилактикалық кездесу ұйымдастырылды. Іс-шараның мақсаты – жасөспірімдердің репродуктивті денсаулығын сақтау, ерте жүктіліктің алдын алу және оның әлеуметтік салдары туралы түсіндіру жұмыстарын жүргізу.

«САНАЛЫ ҰРПАҚ: ЗАҢ. ТӘРТІП. СЕНІМ» атты онкүндік аясында «Таза Қазақстан – ортақ жауапкершілік» тақырыбында тазалық акциясы ұйымдастырылды. Акция барысында студенттер белсенділік танытып, оқу орны аумағында тазалық жұмыстарын жүргізді. Әр аудиторияға жеке қоқыс салатын пакеттер таратылып, қоқысты сұрыптау мәдениетін қалыптастыруға ерекше көңіл бөлінді.

Мирас колледжі мекемесінде «САНАЛЫ ҰРПАҚ: ЗАҢ. ТӘРТІП. СЕНІМ» атты онкүндік қарсаңында «Құқық бұзушылық – қоғамға қауіп» тақырыбында мазмұнды лекция ұйымдастырылды. Кездесудің басты мақсаты – білім алушыларға құқықтық сауаттылықты арттыру, заң талаптарын құрметтеуге тәрбиелеу және құқық бұзушылықтың алдын алу. Іс-шараға арнайы қонақ ретінде Тұран АПБ ҚҚБ КТІЖ УПИ полиция аға лейтенанты Мендибаев Бекдаулет Бахтибаевич және Тұран АПБ ҚҚБ КТІЖ УПИ полиция аға лейтенанты Есенбаева Жансая Балабековна қатысты.

"Мирас" колледжі мекемесінде рухани-адамгершілік тәрбие бағыты аясында «Қарым-қатынас мәдениетіндегі тәртіп пен жауапкершілік» тақырыбында топ жетекшілері тәрбие сағатын өткізді. Іс-шара барысында білім алушылар қарым-қатынас мәдениетінің маңыздылығын, қоғамдық ортадағы тәртіп ережелерін сақтау мен жеке жауапкершіліктің рөлін талқылады. Оқушылар өз ойларымен бөлісіп, түрлі жағдаяттарды саралап, сыпайылық, әдептілік және өзара құрмет құндылықтарының мәнін терең түсінуге мүмкіндік алды.

Болашаққа бағытталған тәрбиелі, саналы ұрпақ – ел дамуының берік негізі. Осы мақсатта студенттерге арналған «Тәрбиелі ұрпақ – ел болашағы» тақырыбында ақпараттық-танымдық іс-шара өткізілді.

Іс-шара барысында бағдарламаның негізгі бағыттары таныстырылып, тәрбиенің қоғамдағы маңызы туралы кеңінен сөз қозғалды. Қатысушыларға мотивациялық бейнеролик көрсетіліп, рухани-адамгершілік құндылықтарды насихаттауға бағытталған ойлар ұсынылды. Сонымен қатар, студенттер арасында танысу тренингі ұйымдастырылып, еркін пікір алмасу алаңы құрылды.

"Мирас" колледжінде мазмұнды кездесу өтті. Кездесуге “Азаматтарға арналған үкімет” мемлекеттік корпорациясы” КЕ АҚ-ның Шымкент қаласы бойынша филиалының 1-мамандандырылған ХҚК бөлім басшысының орынбасары Байсейітов Нұрхан Ерданұлы және Шымкент қаласы бойынша филиалы №1 Әл-Фараби аудандық ХҚК бөлімінің бас маманы Абдикаримова Айгерім Мухтарханқызы қатысты.