24 қазан күні “Мирас” колледжі мекемесінде «Сәкен – жырдың сарқылмас дариясы» атты тақырыпта дөңгелек үстел өткізілді.
Іс-шара мақсаты: ақынның сыршыл лирикасының табиғатын таныту, оқушылардың мәнерлеп оқу дағдыларын жетілдіру, жас ұрпақты еліміздің тәуелсіздігі мен егемендігі үшін күрескен, Алаштың ардақтысы Сәкен Сейфуллиннің өмірі мен шығармаларын оқып білуге баулу, ақынның өз заманындағы саяси-қоғамдық көзқарасын таныту, ұлтжанды ұрпақ тәрбиелеу.
2024 жылы 17 қазан күні “Мирас”колледжі мекемесінде “Ой қазынасы - кітапта” тақырыбында 1-курс студенттеріне библиографиялық ақпарат бере отырып, кітапханамен таныстыру жұмыстары жүргізілді. Мақсаты: Ғылым мен мәдениеттің ары қарай дамуы үшін, жаңа әдебиеттің жылдам әрі тиімді жүйелі есебін жүргізуді, олар туралы уақтылы ақпараттар беріп отыруды іске асыру қажет. Студенттерге кітап қорын таныстыра отырып, кітап оқуға шақыру.
2024 жылдың 16 қазан күні «Мирас» колледжі мекемесінде Шымкент қаласының ішкі саясат және жастар істері жөніндегі басқармасының «Жастар ресурстық орталығы» және Шымкент қаласының дін істері басқармасының «Дін мәселелерін зерттеу орталығымен» бірлесе отырып «Деструктивті діни ағымдардың зияндылығын насихаттау» тақырыбында Өнербаев Бахтияр Әлтайұлы, Аманкелді Нұрдәулет Бақытұлымен кездесу жүргізілді. Кездесудің мақсаты: Деструктивті діни ағымдардың зияндылығын студенттерге жеткізу.
2024 жылдың 15 қазан күні “Мирас” колледжі мекемесінде ұлдар және қыздар жиналысы өтілді. Жиналыстың мақсаты: құқық бұзушылықтың алдын алу және ішкі тәртіпті талқылау.
2024 жылдың 15 қазан күні «Мирас» колледжі мекемесінің 1 курс қыздар білім алушылар арасында «Ерте жүктіліктің алдын алу, жыныстық қатынас арқылы жұғатын жұқпалы аурулар» атты ЖШС клиника 77 медициналық орталығының психологы Егембердиева Лаура Ержановна және гинеколог Бақытқызы Жанамен кездесу жұмыстары жүргізілді. Кездесудің мақсаты: жастар арасында репродуктивті денсаулықты сақтау дағдыларын қалыптастыру, жасөспірімдер арасында ерте жүктіліктің алдын алу.
2024 жылдың 10 қазан күні “Мирас” колледжі мекемесінде Шымкент қаласының Ішкі саясат және Жастар істері жөніндегі басқармасының тапсырысы бойынша Азаматтық бастамаларды қолдау орталығының мемлекеттік гранты аясында «Жастар арасында отбасылық құндылықтарды нығайту бойынша "Отбасы институты" жобасын ұйымдастыру» әлеуметтік жобасы аясында медиатор- мамандардың, психологтардың қатысуымен «Ұлдар кеңесі» өтілді. Кездесудің мақсаты- студенттерге отбасы құндылықтарын дәріптеу, жауапкершілік алу және де алдағы өмірлеріне мақсат қоя білу.
2024 жылдың 9 қазан күні “Мирас” колледжі мекемесінде Шымкент қаласы ішкі саясат және жастар ісі жөніндегі басқармасының тапсырысымен “Қарттары бар- елдің қазынасы бар” әлеуметтік жобасы бойынша студенттермен тақырыптық кездесу өткізілді.
Кездесудің мақсаты студенттердің бойына халқымыздың асыл қасиеттерін сіңіру, үлкенді сыйлау, өз ата-бабасын ұмытпай сақтау үшін және салт-дәстүрден нәр алып өсуіне , инабаттылыққа, жақсы мен жаманды ажырата білуге аталы сөзден ғибрат алуға тәрбиелеу.
«Мирас» колледжі мекемесі «WorldSkills Shymkent -2024» кәсіби шеберлік чемпионатының аймақтық кезеңіне 9 құзыреттілік бойынша 20 студент қатысып жүлделі орындар алған болатын. Осыған орай «Мирас» колледжі мекемесінің Құрылтайшысы атынан жеңімпаздарға сыйақы табысталды !!! Жеңістеріңіз құтты болсын, биік жетістіктерге жете беріңіздер!!!
«Мирас» колледжі мекемесі студенттерінің бірлесіп ұйымдастыруымен «Ұстаздар күніне» орай «Ұстазым-ұлы тұлғам» атты мерекелік іс-шара өтті.
Мерекелік іс-шараның басты мақсаты – білім беру саласында аянбай еңбек етіп жүрген ұстаздарға құрмет көрсету және олардың қоғамдағы маңызды рөлін атап өту.
Мерекелік іс –шара барысында колледж студенттері ұстаздар қауымына алғыс сөздерін айтып,ыстық лебіздерін білдірді. Мерекелік іс-шара барысында колледжіміздің ұстаздарына колледж директоры Абуева Нургуль Курбановна арнайы алғыс хатпен марапаттады.
2024 жылдың 1 қазан күні “Мирас” колледжі мекемесі Қарттар күніне орай колледжімізден зейнетке шыққан Салмова Людмила Михайловнаны мерекемен құттықтады.
