Мирас колледжі мекемесінде кішкентай оқушыларымызбен кітап көрмесі өткізілді.
Мақсаты: оқушыларға кітаптың адам өміріндегі маңызы, кітаптың және балалар кітап күнінің шығу тарихымен таныстыру, кітапқа деген қызығушылығын арттыру, білімге деген құштарлығын ояту, кітапты сүюге, таза ұстауға тәрбиелеу.
Мирас колледжі мекемесінде «Батыр қыз-Әлия» тақырыбында дөңгелек үстел өткізілді.
Мақсаты – батыр қызымыздың ерлігі туралы баяндау, студенттердің туған жеріне, еліне деген сүйіспеншілігін арттыру, өзін қоршаған ортада жаман мен жақсыны ажыратып, жақсы қасиеттерді бойына сіңіре білуге, батырдың ерлігін үлгі тұтуға үйрету, Отанын қорғай білуге, батырлыққа, ерлікке, патриоттыққа тәрбиелеу.
11.04.2024 жылы «Мирас» колледжі мекемесінде 15 сәуір-Қозы Көрпеш-Баян Сұлу ғашықтар күніне байланысты «Бозбала мен Бойжеткен-2024» байқауы өткізілді. Байқауда қатысушылар 4 кезең бойынша сайысты. Жарысқа 4 жұп қатысты.
28.03.2024 жылы «Мирас» колледжі мекемесінде білім алушылармен «Нашақорлық қауіпті індет-алдын алу міндет!» тақырыбында кездесу өтті. Нашақорлық - бұл адамзат баласының денсаулығы мен еліміздің ұлттық қауіпсіздігіне төнген қатер. Сондықтан бұл індетпен күресу біздің міндетіміз.
27.03.2024 жылы «Мирас» колледжі мекемесінде білім алушылармен кездесу өткізілді.
Мақсаты: жастардың діни сауаттылықтарын арттыру, қоғамдағы діни тұрақтылықты қалыптастыру, мемлекеттік этносаясатты түсіндіру, жалпыұлттық бірлік пен қоғамдық келісім сақтау, Отан алдындағы әскери борышты өтеу, мемлекеттік тілдің мәртебесін арттыру болып табылады.
21-наурыз – Ынтымақ күніне орай «Қош келдің Наурыз!» концерттік іс-шара ұйымдастырылды. Жалпы халық арасында бір-біріне деген сый-құрметті арттырып, татулық пен бірлікті насихаттау. Күллі шығыс жұртына ортақ мереке - Наурыздың тарихы тым тереңде жатыр. Күн мен түн теңелетін, ырысы мол мереке біздің жан - дүниемізді шуаққа бөлейді, ой - ниетімізді таза арнаға бұрады. Бұл кешірім мен мейірімнің, үміт пен сенімнің, ізгілік пен түсіністіктің мерекесі.
Сіздерді Ұлыстың ұлы күні – Наурыз мейрамымен шын жүректен құттықтаймыз!
20-наурыз-Ұлттық спорт күніне орай «Мирас» колледжі мекемесінде білім алушылар арасында түрлі спорттық ойындар ұйымдастырылды.
Ұлттық спорт түрлері мәдени мұраны сақтауға, жас ұрпақтың ұлттық сана-сезімін күшейтуге ықпал етеді. Бұл мереке біз үшін бірліктің символына айналып, әр азаматтың өз елі үшін мақтанып, адами-рухани қасиеттерді дамытуына мүмкіндік береді. Дәстүрлі спорт түрлері өмір сүру салты, адам өмірі, еңбегі, ұлттық негіздер, ар-намыс, қадір-қасиет, батылдық, күш-қайрат, ептілік, төзімділік және жылдамдық сияқты қадір-қасиеттерді бейнелейді.
Ұлт рухының шағылысы. Ұлттық киімге арналған бұл күн ата-бабамызды, ұрпақтан-ұрпаққа жалғасып келе жатқан әдет-ғұрыптарды еске алатын ерекше кезеңге айналады.
Мұндай іс-шаралар ұлттық мәдениетті сақтауға және насихаттауға мол септігін тигізіп, халық мұрасының маңыздылығын еске түсіріп, бірлігімізді арттыра түседі деген үміт бар.
Шаңырақ күні - бұл жанұядағы жылулық пен қолдаудың маңыздылығын еске салатын мереке. Осы атаулы мерекеге орай Мирас колледжі мекемесінде отбасы құндылықтарын дәріптеуге арналған түрлі танымдық, шығармашылық, спорттық іс-шаралар ұйымдастырылды.
Мирас колледжі мекемесі қамқоршылық көмек көрсеткен және ерен еңбегімен танылған тұлғаларға құрмет көрсетіп, марапаттады. Игі істер марафоны - бұл қайырымдылық пен мейірім, татулық іс-шарасы.
