2023 жылы 12 сәуір күні «Мирас» колледжі мекемесінде шахматтан республикалық челлендж өтті. Шахмат – зейінді, интеллект пен логикалық ойлауды дамытатын балалар мен ересектерге арналған танымал спорт түрі.Челлендждің мақсаты – шахмат арқылы балалардың зияткерлік және ақыл-ой қабілеттерін дамыту және балалардың бойында табандылық, төзімділік, ерік-жігер, сабырлық, өз қабілеттеріне деген сенімділікті арттыру.
28.03.2023жылы «Мирас» колледжі мекемесінде Жастар Ресурстық орталығымен бірлесе құрылған жоспарға сәйкес жастардың діни сауаттылығын арттыру мақсатында арнайы теологтармен кездесу жүргізілді. Атап айтқанда орталықтан Арайлым Ерланқызы жастарды қонақтармен таныстырып, сөз дамытушы болды. Шымкент қаласының дін істері басқармасы «Дін мәселелерін зерттеу орталығы» КММ-нің теолог маманы Жұмаділлә Бексұлтан қауіпсіздік шаралар мен күдікті тұлғаларды көргенде қандай әрекет жасау керектігі туралы ескіртіп, түсіндірме жұмыстарын жасады.
27.03.2023 жылы «Мирас» колледжі мекемесінде кітапханашы Гүлшат Ибикеновнаның ұйымдастыруымен 1-курс білім алушыларына «Ақылдылар мен алғырлар» атты әдеби интеллектуалды ойын жүргізілді. Ойынның негізгі мақсаты білім алушыларды пікірталасқа, шаршытоп алдында ойын еркін жеткізуге жетелеу, ой-өрісін, шығармашылық қабілеті мен ширақтылығын арттыру болатын. Ойын барысында топ екі командаға бөлініп жарысты. Құрамында Мақал-мәтелді жалғастыру, жаңылтпашты мүдірмей айту, сұрақ-жауап секілді бөлімдерімен білім алушыларды қызықтыра білді. Нәтижесінде алғырлар тобы алға озып, өз шеберліктерін көрсетті.
20.03.2023 жылы «Мирас» колледжі мекемесінде кітапханашы Гүлшат Ибикеновнаның ұйымдастыруымен «Оқуға құштар колледж» тұжырымдамасына сәйкес «Жаңа кітаптар» атты тақырыпта кітап көрмесі қойылды. Көрменің негізгі мақсаты-жаңа түскен кітаптармен оқырман қауымды таныстырып, кітап оқуға баулу, бос уақыттарын тиімді өткізуге түрткі болу. Білім алушыларға кітапханамызға келген кітаптарға шолу жасау. «Тігін өндірісі және киімдерді үлгілеу» -мамандығы жоспар бойынша жаңа кітаптармен таныстырды. Мамандықтары бойынша кітаптардың қажеттілігі орасан зор.
Наурыз" мерекелік іс-шарасы қарсаңында бізде ойын жарыстары өтті.
Мақсаты: студенттерде патриотизмге, Қазақстан халықтарының ұлтаралық бірлігі мен келісіміне, Қазақстан халықтарының дәстүрін құрметтеуге тәрбиелеу.
Тәуелсіздік пен қатал көшпелі өмір үшін күрес жағдайында қазақ халқында дене тәрбиесінің өзіндік жүйесі қалыптасты. Оның негізінде ұлттық спорт түрлері мен ашық ойындар болды. Бәсекелестік сипат жастардың бойында күш, ептілік пен төзімділіктің дамуына, батылдыққа, батылдыққа және басқа да қасиеттерге тәрбиелеуге ықпал етті.
Біздің балалар жақсы, керемет ойын көрсетті. Жеңілгендер болған жоқ! Достық жеңді!
Келесі спартакиадаға дайындалыңыз.
15, 16, 17 наурызда Наурыз мерекесі қарсаңында іс-шаралар жоспары белгіленді.
15 наурыз бөлімше арасында кабинеттерді безендіру. Жүлде қоры 60 000 теңге.
16 наурызда колледж аясында қазақ халқының салт-дәстүрлері көрсетіледі. Сыйлық қоры тәттілер себеті.
17 наурызда колледж аумағында ойындар мен жарыстар, "Арқан тарту" және "Асық ату" сияқты дәстүрлі ойындар өтеді. Жүлде қоры бокстар тәттілермен. Бізге келгісі келетін барлық адамдар, тіпті мектеп оқушылары да қатыса алады. Жақынырақ танысудың уақыты келді.
07.03.2023 жылы «Мирас» колледжі мекемесінде атаулы «8-наурыз Халықаралық арулар мерекесіне» орай концерт ұйымдастырылды. Іс-шарада білім алушылардың ізгі ниеттері мен өнерлерін тамашалап, ойындар ұйымдастырылды. Колледж ер азаматтары қауымы барлық ұжымдағы қыз-келіншектерді концерттік бағдарламамен құттықтады. Құрылтайшы атынан арнайы тосын сыйлар тағайындалып ұстаздардың мерейін көтерді. Мерекелік шара өз дәрежесінде көңілді, қызықты өткізілді.
Мәдениет және спорт министрлігінің «Архив істері және болашақ ұрпақ» жобасына сәйкес 2023 жылдың 2 наурызында «Шымкент қалалық мемлекеттік архиві» КММ ұжымы архив құжаттарын пайдалана отырып, еліміздің тарихына қызығушылықты арттыру, архив құжаттарын насихаттау, жас ұрпаққа ғылыми жұмыстарын жүргізу мен зерттеушілікке баулу мақсатында «Мирас» колледжі мекемесінен арнайы жастар архив тынысымен танысуға, құнды құжаттарды көріп, еліміздің дамуына қарқынды үлес қосуға жіберілді. «Тарихыңды тани біл» көрмесі мен «Кешегі тарихымыз-ертеңгі болашығымыз» атты қысқаша деректі фильм көріп, еліміздің тарих тынысымен тыныстап қайтты.
Масленица мерекесі – көпшілік асыға күтетін мерекелерінің бірі. Дәстүрлі Масленица – қысты шығарып салу мен көктемді қарсы алуға арналған христиандардың Ұлы оразасы алдындағы бір апта бойына жалғасатын мереке. «Мирас колледжі мекемесі толерантты болғандықтан бұл мерекеден қалыс қалмай, барлығына ортақ етіп іс-шара ұйымдастырылды. Шара барысында білім алушылар арасынан конкурстар жүргізіліп, құймақтар әзірленіп, 1 орын алған топтарға дипломдар мен қаржылай сыйлықтар табысталды. Мұндағы мақсат әр ұлтты білім алушылардың достық қарым қатынастарын арттыру, ауызбіршілікке үйрету болатын.
02.03.2023 жылы «Мирас» колледжі мекемсінде жастар арасында ерте жүктіліктің алдын алу, түсік жасатудың зардабы, отбасын жоспарлау, қауіпсіз қатынастың алдын алу шаралары жүргізіліп, колледж медбикесі Жансая Сембековна арнайы мамандарды шақырды. Айта кетсек, 13 емхана терапевті Д.Д.Джаймаганбетова, психологы А,К,Хамидуллаева, А.Т.Асылханова, 13 емхана медбикелери У.А.Ашурова , Л.С.Дуйсенова , А.К.Онгар келіп дәріс оқып кетті. Мұндағы мақсат білім алушылардың денсаулық мәселесіне, тәрбиесіне немқұрайлы қарамау, ерте жүктіліктің болу салдары мен алдын алуды түсіндіріп, жастарды сауаттылыққа баулу.
