Жаңалықтар

Қазақстан Республикасы Президентінің 2024 жылғы 17 шілдедегі №602 Жарлығымен бекітілген 2024–2029 жылдарға арналған мемлекеттік қызметті дамыту тұжырымдамасына сәйкес, «Мирас» колледжі мекемесінде студенттерді қамтитын ерте кәсіптік бағдар беру іс-шаралар жоспары аясында «Мемлекеттік қызметтегі мансап» тақырыбында дөңгелек үстел өткізілді. Іс-шара барысында студенттерге мемлекеттік қызметтің қоғамдағы маңызы, оның негізгі қағидаттары, кәсіби өсу мүмкіндіктері мен болашағы жан-жақты түсіндірілді. Сонымен қатар, мемлекеттік қызметші болудың жауапкершілігі, адалдық пен кәсібилік қағидаттарының маңыздылығы туралы мазмұнды пікір алмасу жүргізілді.

2026 жылдың 15 сәуір күні бірінші курс білім алушыларымен маңызды кездесу өтті. Іс-шараға «Жастар Денсаулық Орталығының» терапевт дәрігері Ералиева Дина Калановна қатысып, студенттерге тақырып аясында түсіндіру жұмыстарын жүргізді. Кездесу барысында Конго–Қырым геморрагиялық қызбасының таралу жолдары, негізгі белгілері және оның алдын алу шаралары жан-жақты түсіндірілді. Сонымен қатар, жеке бас гигиенасын сақтау, табиғатта қауіпсіздік ережелерін ұстану және дер кезінде медициналық көмекке жүгіну қажеттілігі айтылды.

2026 жылдың 15 ақпан күні бірінші курс білім алушыларымен маңызды әрі тағылымды кездесу өтті. Іс-шараға «Жастар Денсаулық Орталығының» психологы Бекмуратова Қ.У. және әлеуметтік қызметкер Отегенова А.Ш. қатысып, студенттермен ашық форматта семинар өткізді. Кездесу барысында жастар арасында салауатты өмір салтын қалыптастыру, психологиялық саулықты сақтау, зиянды әдеттердің алдын алу және дұрыс өмірлік таңдау жасау мәселелері кеңінен талқыланды. Мамандар студенттердің сұрақтарына жауап беріп, пайдалы кеңестерімен бөлісті.

Бүгін "Мирас" колледжі мекемесінде әскери дала жиынының жабылу салтанаты жоғары деңгейде өтті. Жиын барысында студенттер әскери дайындықтарын көрсетіп, тәртіп пен жауапкершіліктің үлгісін танытты. Барлық қатысушыларға алғыс білдіреміз!

«2026 жылғы 14 маусым күні «Мирас» колледжінде қызметкерлер арасында «Салауатты үзіліс» немесе «Денсаулық сағаты» атты спорттық іс-шара ұйымдастырылып, өткізілді. Аталған іс-шара аясында колледж ұжымы бір мезгілде сергіту жаттығуларын орындап, салауатты өмір салтын насихаттауға белсенді түрде қатысты. Іс-шара қызметкерлердің денсаулығын нығайтуға, жұмыс барысында сергектік қалыптастыруға және ұжымдық бірлікті арттыруға бағытталды.

«Салауатты колледж» жобасы аясында студенттер үшін тағылымды іс-шара ұйымдастырылды. Жастар ЖИТС-тің алдын алу орталығының педагог маманы Ибайдуллаева Д.А. жетекшілігімен «Сенім» орталығына экскурсия жасап, маңызды ақпараттармен танысты. Экскурсия барысында студенттерге денсаулықты сақтау және нығайту, қауіпсіз мінез-құлық қалыптастыру, түрлі аурулардың алдын алу жолдары туралы кеңінен түсіндірілді.

«Мирас» колледжі мекемесінде Тұран ауданында кәмелетке толмағандар арасында құқық бұзушылықтың, нашақорлықтың, суицидтің, қыздар арасындағы ерте жүктіліктің, адам саудасы, керегар діни ағымдар мен кестелердің алдын алу, тұрмыстық зорлық-зомбылық профилактикасымен іс-шаралар, сыбайлас жемқорлыққа қарсы түсіндіру жұмыстарын жүргізу және «Ырыс алды ынтымақ», «Лайықты ұрпақ тәрбиелейік», аясында студенттермен кездесу жүргізілді. Кездесу барысын Тұран ауданы әкімі аппаратының бас маманы Әлихан Жақсылық және де Дін істері басқармасының телог маманы Әбдіманап Нұрхан өткізді.

"Мирас" колледжі" мекемесінде оқу-дала жиынының салтанатты ашылу іс-шарасы өткізілді. Бұл жиын – тәртіп пен жауапкершілікті шыңдап, білім мен тәжірибені ұштастыратын маңызды кезең. Студенттер үшін жаңа дағдыларды меңгеріп, өздерін сынап көруге үлкен мүмкіндік.

Қазақстан Республикасы Президентінің 2024 жылғы 17 шілдедегі №602 Жарлығына сәйкес мемлекеттік қызметті дамыту тұжырымдамасы аясында «Мирас» колледжінде мазмұнды сабақ өткізілді Сабақ барысында «Мемлекеттік қызмет – жауапкершілік пен сенім», «Сыбайлас жемқорлықтың алдын алу» тақырыптары кеңінен түсіндіріліп, студенттерге маңызды ақпараттар ұсынылды.

Шымкент қаласындағы «Мирас» колледжінде маңызды іс-шара өтті! Колледж студенттері арасында мемлекеттік қызмет құндылықтарын және ерте кәсіптік бағдарлауды ілгерілету мақсатында «Халыққа қызмет ету – басты міндет» тақырыбында айлықтың ашылу салтанаты ұйымдастырылды. Аталған шараға Қазақстан Республикасы Қорғаныс министрлігінің «10216 әскери бөлімі» республикалық мемлекеттік мекемесінде 29 жыл 7 ай 19 күн қызмет етіп, зейнетке шыққан Бексейтов Едил Жандосович арнайы қатысып, студенттермен мазмұнды кездесу өткізді.