Жаңалықтар

Мәдениет және спорт министрлігінің «Архив істері және болашақ ұрпақ» жобасына сәйкес 2023 жылдың 2 наурызында «Шымкент қалалық мемлекеттік архиві» КММ ұжымы архив құжаттарын пайдалана отырып, еліміздің тарихына қызығушылықты арттыру, архив құжаттарын насихаттау,  жас ұрпаққа ғылыми жұмыстарын жүргізу мен зерттеушілікке баулу мақсатында «Мирас» колледжі мекемесінен арнайы жастар архив тынысымен танысуға, құнды құжаттарды көріп,  еліміздің дамуына қарқынды үлес қосуға жіберілді. «Тарихыңды тани біл» көрмесі мен «Кешегі тарихымыз-ертеңгі болашығымыз» атты қысқаша деректі фильм көріп, еліміздің тарих тынысымен тыныстап қайтты.

Масленица мерекесі – көпшілік асыға күтетін мерекелерінің бірі. Дәстүрлі Масленица – қысты шығарып салу мен көктемді қарсы алуға арналған христиандардың Ұлы оразасы алдындағы бір апта бойына жалғасатын мереке. «Мирас колледжі мекемесі толерантты  болғандықтан бұл мерекеден қалыс қалмай, барлығына ортақ етіп іс-шара ұйымдастырылды. Шара барысында білім алушылар арасынан конкурстар жүргізіліп, құймақтар әзірленіп, 1 орын алған топтарға дипломдар мен қаржылай сыйлықтар табысталды. Мұндағы мақсат әр ұлтты білім алушылардың достық қарым қатынастарын арттыру, ауызбіршілікке үйрету болатын.

02.03.2023 жылы «Мирас» колледжі мекемсінде жастар арасында ерте жүктіліктің алдын алу, түсік жасатудың зардабы, отбасын жоспарлау, қауіпсіз қатынастың алдын алу шаралары жүргізіліп, колледж медбикесі Жансая Сембековна арнайы мамандарды шақырды. Айта кетсек, 13 емхана терапевті Д.Д.Джаймаганбетова, психологы А,К,Хамидуллаева, А.Т.Асылханова, 13 емхана медбикелери У.А.Ашурова , Л.С.Дуйсенова , А.К.Онгар келіп дәріс оқып кетті. Мұндағы мақсат білім алушылардың денсаулық мәселесіне, тәрбиесіне немқұрайлы қарамау, ерте жүктіліктің болу салдары мен алдын алуды түсіндіріп,  жастарды сауаттылыққа баулу.

1-наурыз Дүниежүзілік азаматтық қорғаныс күніне орай қалалық орнатылған азаматтық қорғау құлақтандыру жүйесіне техникалық тексеру жұмыстарын жүргізу жоспарланған болатын. Осы жоспарға сәйкес, 2023 жылдың 1 наурыз күні сағат 10:00 де дабыл (сирена) ойнатылып, «Мирас» колледжі мекемесінде қызметкерлер мен білім алушыларға жедел түрде қосымша есіктер арқылы сыртқа шығарылып, эвакуациялық жаттығу жүргізілді. Сытқа шыққан соң колледждің АӘД оқытушысы Қуанышов Байлар Отарбаевич төтенше жағдай орын алғанда  қандай инструкция бойынша қауіпсіз жерге шығуы туралы түсіндірме жұмыстарын жасады.

01 Наурыз «Алғыс айту» күні-Қазақстандық патриотизмнің, еліміздің халықтары арасындағы достық, мейірімділік пен келісімнің көрінісі. Осыған орай, «Мирас» колледжі мекемесінің ұйымдастыруымен «Қазақ елі-бауырмалдықтың мекені» тақырып аясында арнайы құттықтау жұмыстары жүргізілді. Жұмыс барысында колледждің директоры Нургуль Курбановна сөз сөйлеп, әріптестер мен білім сүйер жастарды құттықтап, алғыс білдірді. Сонымен қатар, жастар ісі жөніндегі комитет төрайымы Женисгул Ерболқызы белсенді жастармен бірігіп, барлық топ сағаттарына кіріп, алғыс айтылды. Осы сәтте білім алушыларымыз бір-бірімен қолдан жасалған ашық хаттарын өзара алмасып, мерекелік көңіл-күй сыйласты. Хат арқылы бала өз көзқарасын білдіре алады, адамдармен дұрыс қарым-қатынас орнатады және баланың айналасындағы адамдарға ризашылық және бауырмалдық сезімдерін оятуға негіз болады.

«Мирас» колледжі мекемесі кітапхананың бір күндік тіршілігін таныстыру, кітап оқырманның қолына түскенше қандай дайындықтан өтетіндігін көрсету мақсатында колледжіміздің кітапханаға үнемі үзбей келіп тұратын білім алушылармен бірлесе отырып, келген кітаптарға шолу жасадық. Білім алушылар қызығып, ұқыпты, белсене ат салысты. Кітапханаға жаңадан келіп түскен кітаптарды инвертарлық кітапқа тіркеп, кітапхана мөрі басылды. Келген кітаптарды электронды кітапханамызға тіркеп, алғашқы каптамадан ашылған кітаптарды үздік оқырман деп танылған студенттерге табысталды. «Оқуға құштар колледж» тұжырымдамасына сәкес жастарды кітапқа тарту, көркем әдебиеттерге қызығушылығын арттыру үшін жүргізілген шара керемет дәрежеде өтілді.

19.01.2023 жылы «Мирас» колледжі мекемесінде  «Мен оқыған қызықты кітап» атты әңгмелесу, кітап көрмесі ұйымдастырылды. Көрменің негізгі мақсаты білім алушыларды кітапты құрметтеуге, олардың білімділік танымын өмірмен байланыстыра отырып қызығушылығын, сүйіспеншілігін арттыруға баулу. Шара барысында  студенттер өздері оқыған кітаптарға шолу жасап, кітаптың қызықты сәттерін әсерлене айтты. Оның ішінде Қаратаева Сабина «Синбад-мореход» М.А.Салье араб тілінен аударылған кітапты, Құдайберген Алихан Д.Омаровтың «Абайтану» кітабын, Цыбульский Сайдали «Богатые тоже плачут» кітабын, Торехан Әсемай Ш.Айтматовтың «Ақ кеме» атты повесін  айтып, оқырманды өзіне тарта білді.

18.01.2023 жылы «Мирас» колледжі мекемесі «Оқуға құштар колледж» тұжырымдамасы аясында кітапханашы Гүлшат Ибикеновнаның ұйымдастыруымен  «Ғасыр адам» тақырыбында қазақ елінің біртуар азаматы Д.А.Қонаев туралы кітап сөресі қойылып, соның ішінде белгілі жазушы  Рафаэл Ниязбектің «Көсем» деп аталатын тарихи романы алға тартылды. Ғұлама ғалым, академик, үш дүркін Еңбек Ері атанған Дінмұхамед Ахметұлы Қонаевтың  күреске толы өмір жолдары шынайы суреттелген еңбектер колледж білім алушыларына таныстырылды.

2022 жылдың 15 желтоқсанында «Мирас» колледжі мекемесінде Қазақстан Республикасының Тәуелсіздік мерекесіне орай «Тәуелсіздік – тынысың, бүгінгі дәулетің, ертеңгі ырысың» атты мерекелік іс-шара өтілді. Педагогикалық-гуманитарлық бағыттың бөлім меңгеруші Джазибаева Жанат Сериковнаның басшылығымен іс-шара өз деңгейінде өтіліп, онда білім алушыларды патриоттыққа тәрбиелейтін ән-күйлер мен  ұлттық  би орындалды , әнұран айтылып, колледжіміздің директоры Абуева Нургуль Курбановна сөз сөйлеп, барша әріптестерді мерекемен құттықтай отыра, «WORLDSKILLS KAZAKHSTAN-2022» республикалық кәсіби шеберлік чемпионатынан жүлделі 1-орын алған студентіміз Құралбай Көркемай мен жетекшісі Удовиченко Татьяна Геннадьевнаны жеңістерімен құттықтап, Құрылтайшының атынан 500 000 тенге сыйақы табыстады.

«Мирас» колледжі мекемесі Республикалық «WORLDSKILLS KAZAKHSTAN-2022» чемпионатына үш түрлі құзіреттілік бойынша қатысып, 20 өңірден келген бәсекелестерін басып, озып «Шаштараз ісі» бойынша жүлделі 1-ші орын иеленген Құралбай Көркемай Польша мемлекетінде өтетін Халықаралық «Worldskills-2023» чемпионатына жолдама алды. Жастарымызды жүзден жүйрік етіп, өндіріс алаңдарына бәсекеге қабілетті жастар әзірлеген оқытушымыз Удовиченко Татьяна Генадьевнаға алғысымыз көп.