Жаңалықтар

23.11.2020 жылы «Мирас» университеті ІТ және телекоммуникациялар секторының магистр, аға оқытушысы Алимбекова А.Т. «IT технологиялар және бағдарламалау» мамандығының 1 курс студенттерімен бірге жоспарға сәйкес «Елдіктің бастауы» документальды фильмін қарап, талқылау жүргізді. Фильмді талқылау онлайн форматта өтті. Алимбекова А.Т. «Елдіктің бастауы» документальды фильмінің негізгі мазмұнын ашып, Елбасы, Тұңғыш президент Н.Ә.Назарбаевтың Қазақстан үшін қосқан үлесін және жасаған еңбектерін айтып берді. Студенттер белсене қатысып, фильм туралы өз ойларын білдірді.  

Қазақстан Республикасының Тұңғыш Президенті күнін мерекелеуге байланысты Тәуелсіз Қазақстанның құндылықтарын ілгерілету жөніндегі іс- шараларды өткізу шеңберінде «ІТ және телекоммуникация» секторының тәлімгерлік сағатында «Тәуелсіздіктің 7 қыры: өркендеуге жол» деректі фильмін көрсету ұйымдастырылды.

Фильмнің мазмұны беделді спикерлердің - белгілі мемлекет, қоғам қайраткерлерінің, Елбасының елдің дамуына қатысты күрделі саяси шешімдер қабылдауының куәгерлерінің естеліктері мен пікірлеріне негізделген. Сондай-ақ тарихшылармен, саясаттанушылармен, экономистермен сұхбаттар жасалған. Оқиғаға сәйкес фотосурет, бейне тізбегі (архивтік және заманауи материал негізінде) қарастырылды.

13.11.2020 сағат: 09-30 ZOOM форматында "Мирас" университетінің БФ-911 к-1, к-2, к-3, к-4, к-5, к-6, к-7 топтарының студенттерімен тәрбие жұмысының жоспарына сәйкес "Тәуелсіздік тірегі – төл теңге" тақырыбында ашық тақырыптық сағат өткізілді.

Іс - шараның мақсаты- студенттерді тәуелсіз еліміздің ең бірінші айрықша белгісі теңгемен толық таныстыру,төл теңгеміздің шығу тарихы, айналымға ену кезі туралы мағлұматтар беру.

12.11.2020 жылы құқық секторының магистрі, аға оқытушы Алтаева М. О. онлайн режимде 1 курс студенттеріне «Қазақстан Республикасындағы мемлекеттік басқару жүйесін реформалау» тақырыбында дәріс оқыды.

Аталған іс-шараның мақсаты мемлекеттік аппарат жүйесін реформалауды анықтау және мемлекеттік аппараттың жаңа реформалары туралы Қазақстан Республикасы  Президентінің жолдауын талқылау болып табылады.

20.11.2020 жылы құқық секторының магистр, аға оқытушысы Алтаева М.О. «Мирас» университетінің сыбайлас жемқорлыққа қарсы жұмыстарының жоспары бойынша «Сыбайлас жемқорлық - қазіргі таңдағы құбылыс ретінде» тақырыбында дәріс оқыды. Дәріс «Құқық» мамандығының 1 курс туденттеріне онлайн режимде өтті.

Бұл дәрістің мақсаты қазіргі қоғамдағы сыбайлас жемқорлықтың себептерін анықтау болып табылады.

5 қараша 2020 жылы Шымкент – Адалдық алаңы» мүшесі Садибеков Бижан Абдигапбарұлымен «Әділдік жолын өзің аш» тақырыбында «Мирас» университетінің қызметкерлері арасында кездесу өтті.

Кездесудің мақсаты – сыбайлас жемқорлыққа қарсы мәдениетті қалыптастыру  және оның алдын алу бойынша түсіндіру жұмыстарын жүргізу.  Кездесу барысында Садибеков Б.А. «Шымкент-адалдық алаңы» жобалық кеңсесінің міндеті және қызметімен, жұмыс бағыттарымен, жаңа жобаларымен таныстырып өтті. Буклеттер таратылды.

05.11.2020ж. сағат 14.30 ZOOM платформасында т.ғ.к., ассоц.профессор Султанова В.И. «Қазақстандағы діни ахуал» тақырыбында дәріс оқыды. ИФ-911р1, ИН-911 р -1 (а,н,ф,) ПМ-911 р1, ПТ-911 р1 топтарының 2 курс студенттері қатысты. Кездесу барысында Султанова В.И.  Қазақстандағы діни ахуал туралы,  Қазақстанның зайырлы мемлекет болып табылатындығы, онда діни сенім рұқсат етілгендігі, бұл көпұлтты ел және барлық этностарға толерантты қарым-қатынас мәселесі маңызды екендігі айтылды. Сондай-ақ, Султанова В.И. исламдағы деструктивті ағымдар туралы, жастардың деструктивті ағымдарға қалай түспеу керектігі туралы сөз қозғады. Білім және ғылым министрлігі студенттердің қарауына ұсынған "«Западня» атты бейнефильм көрсетілді. Кездесу соңында студенттер бейнені талқылады.

Мирас университеті Ташкент қаласындағы (Өзбекстан) Америка халықаралық білім беру кеңесінің демеушілігімен Қазақстан мен АҚШ университеттері арасындағы серіктестік бағдарламасы аясында халықаралық жобаны жалғастыруда. Бұл жоба жоғары білімді интернационалдандыру бойынша ҚР-дағы реформаға сәйкес бастамашылық алған. Бірлескен жобаның мақсаты университетте де, жалпы өңірде де ағылшын тілі элементтерімен ағылшын тілін және STEM оқыту әдістемелерін жетілдіру болып табылады. Жобаның нәтижесі ағылшын тілінде пәндерді оқытудың бірлесіп әзірленген тұжырымдамасы және sheltered Approach / қорғалған тәсіл және басқа да инновациялық әдістемелер негізінде STEM пәндеріне әзірленген Оқу материалдары болады.