Жаңалықтар

09.10.2020 11.30-да «Сыбайлас жемқорлыққа қарсы мәдениеттің тұтастығы және қалыптасуы» тақырыбында студенттердің «Шымкент Адалдық Алаңы» Сыбайлас жемқорлыққа қарсы іс-қимыл департаменті жобалық кеңсесінің жетекшісі Қамбар Жани Сайдуллаұлымен кездесу өтті. Пайдаланылған платформа: Zoom

18.09.2020 ж., Туризм және қонақжайлылықты басқару секторының аға оқытушысы, магистр А.Н. Байгушева ТР-911к-1 тобының студенттеріне арналған тәрбие жұмысының жоспарына сәйкес «Діни сауаттылықты арттыру діни экстремизмнің алдын алудың маңызды факторы ретінде» тақырыбында дәріс» өткізді. Дәріс барысында топ тәлімгері А.Н. Байгушева студенттерге дін әрқашан біздің халқымыздың және бүкіл адамзаттың әлеуметтік және рухани санасы үшін маңызды рөл атқаратынын және дінді білмей біз өз тарихымыз туралы толық ақпарат ала алмаймыз туралы айтып өтті. Сенімнің негіздерін білмей, ойшылдарды, жазушыларды, суретшілерді және мемлекеттерді түсіну мүмкін емес. Себебі діни бейнелер барлық елдердің шығармашылық адамдарының ой-өрістерін қамтитыны туралы айты өтті.

1 қазан - Халықаралық қарттар күніне орай «Birgemiz:Qamqor» жалпы ұлттық жобасы аясында "Карантиндегі қызықтар" атты қарттарға арналған қойылымдық бағдарламасы ұйымдастырылды.

Іс-шара барысында "Шаншар" әзіл-ысқақ театрының қойылымдық бағдарламасы көрсетіліп,қарттарға арнайы кофе-брейк әзірленіп,арнайы сыйлықтар үлестірілді.

Іс-шараға "Жастар ресурстық орталығы" басшысы Е.Айтбаев,"Jas Otan” төреағасы М.Исахов,театрдың көркемдік жетекшісі М.Айтжанұлы,50-ге жуық жалғыз басты қарт кісілер және Мирас Университетінің Жас Отан ЖК еріктілері қатысты.

2020 жылдың 15 қыркүйегінде онлайн форматта «Абай және Қазақстан ХХІ ғасырда» атты тақырыптық дөңгелек үстел өткізілді, онда КЛ - 811к1 тобының студенті Оралбай Жансая ақын мұрасының тұрақты құндылығы болып табылатын Абай шығармашылығы туралы баяндама жасады.

Дөңгелек үстелде Қазақстан Республикасының Президенті Қасым-Жомарт Тоқаевтың «Абай және Қазақстан ХХІ ғасырда» мақаласы талқыланды, онда Мемлекет басшысы қазақтың ұлы ақыны және ағартушысының туғанына 175 жыл толуына арналған іс-шаралардың қажеттілігін атап өтті.

28.09.2020 ж., , IT және телекоммуникациялар секторының аға оқытушысы, магистр С.Сайдирасулов ​​IT-2011к-3 тобының студенттеріне арналған тәрбие жұмысының жоспарына сәйкес «Оқу процесінде IT технологияны қолдану» тақырыбында дәріс өткізді. Дәріс барысында ол студенттердің қашықтықтан оқытуда қолдана алатын ең маңызды, пайдалы, бірақ тегін веб-платформаларын көрсетті. Ол бірінші кезекте студенттерге miras.app, miras.edu.kz, miras education youtube-каналы және instagram парақшасы сияқты Мирас университетінің платформалары мен әлеуметтік желілеріндегі парақшаларын жиі қарау керек екенін атап өтті. Студенттерге бағдарламалауды үйренуге арналған онлайн-компиляторлар (replace.it, onlinegdb.com, cpp.sh, dotnetfiddle.net) және онлайн-курстар (courser.org, intuit.ru) ұсынылды.

09.09.2020 күні сағат 16:00 де «Nur Otan» партиясының хатшысы  А.Қырықбаев жастарымен кездесті. Мирас университетінің атынан  жастар ісі жөніндегі комитет  мүшесі мен төрайымы Кәдірқұл Жанэль қатысты. Және қаланың басқада ұйымдары: Шымкент қаласы «Жастар ресурстық орталығы» КММ-нің жастары,  Жастар маслихат депутаттары, БАҚ өкілдері мен блогерлер, өнер және спорт салаларының үздіктерімен, праймеризге қатысушы жастары қатысты. Іс шара барысында «Жастар Отанға» 2025 бағдарламасы талқыланып, ұсыныс пікірлер жинақталды.

19.09.2020 күні «World clean up day» Дүниежүзілік акциясы аясында Шымкент қаласында Дендро саябағында сенбілік  өтті. Сенбілікке Мирас универсиетінің белсенділері мен Жастар ісі жөніндегі комитет төрайымы қатысты. «Волонтер» жылына орай акцияның өтуіне қалалық жастар ұйымдарының белсенділері, қала қызметкерлері ат салысты. Олар Шымкент қаласы бойынша экология департаменті қызметкерлерімен бірге Бадам өзені аумақтарын тазалап, қоқыстарды түріне қарай бөлек жинады.

Іс-шараға жалпы 30 000-нан астам адам қатысып, 60-қа жуық қоқыс тасымалдайтын және артатын техникалар жұмылдырылды. Қалалық қоқыс полигонына 220 тоннадан астам қоқыс шығарылды.

2020 жылдың 11 қыркүйегінде мұғалімдер мен студенттер үшін Шымкент қаласы Әл-Фараби аудандық сотының қызметкерлерімен «Қазақстан Республикасының сот жүйесіндегі жаңа реформалар және сыбайлас жемқорлық құқық бұзушылықтар бойынша халықтың құқықтық сауаттылығын арттыру туралы» тақырыбында кездесу ұйымдастырылды. Кездесу онлайн режимінде Шымкент қаласы Әл-Фараби аудандық сотының судьясы Исмаилов Нургали Шахмурадовичпен өтті.

 Онлайн-отырыста судья сот-құқықтық реформа, сот жүйесінің келешегі мәселелеріне тоқталды, сот өндірісіне инновациялық технологияларды енгізу және халықтың сыбайлас жемқорлық құқық бұзушылықтар бойынша құқықтық сауаттылығын арттыру туралы әңгімеледі.