27.09.2022 жылы «Мирас» колледж мекемесінде Жастар ресурстық орталығының психолог мамандарымен бірлескен «Келеңсіз жағдайлармен жат қылықтардың алдын алу» бағытында жастар мен жасөспірімдерге арналған семинар-тренинг өткізілді. Білім алушылар өз ойларын айтып, сұрақтар қойып, керекті ақпараттармен танысты.
21 қыркүйек 2022 жылы "Мирас" колледжі мекемесінің білім алушылары Жастар Ресурстық Орталығында өтілген "Келеңсіз жағдайлар мен жат қылықтардың алдын алуға бағытталған жастар мен жасөспірімдерге арналған семинар-тренингке" қатысып, келелі ой түйіп, үлкен тәжірибе жинап қайтты. Тренингте түрлі тақырыптар қозғалып, қызықты пікірлер алмасты.
Қыркүйек айында "Мирас" колледжі мекемесінде "Қасым-Жомарт Тоқаевтың Қазақстан халқына Жолдауы" тақырыбында студенттер арасында әлеуметтік-саяси мәселелер қозғалып, пікірталас жүргізілді. Оның ең алғашқылары және өзектілерінің бірі Қ.Ж.Тоқаевтың соңғы жолдауы (2022жылғы 1 қыркүйек) болды.
Білім алушылар жаңа жолдауымен танысып, жүргізілген дебатта қатысушалр арасында өте керемет динамикалық, қызықты, белсенді әңгіме болды.
"Мирас" колледжінің спортшылары Фатима мен Зухра Ирназаровалар Қазақстан құрамасы сапында оқ атудан Ресей ашық кубогының финалында рекордтық ұпай жинады. ВП-12 10 м жаттығуында пневматикалық винтовка "Қозғалмалы нысана" жарысында тең келер ешкім жоқ.Рекорд жарыстың алғашқы күнінде орнатылды.
Фатима Ресей Кубогының ашық финалының абсолютті чемпионы
3-тен 3 алтын
06.09.2022 ж. «Мирас» колледжі мекемесінде «Ұлт ұстазы-Ахмет Байтұрсынұлының» 150 жылдық мерейтойына арналған іс-шара өтті. Ахмет Байтұрсынұлының ғылыми еңбектері мен әдеби шығармаларын таныстырып, тіл жанашырларының қанатты сөздерін және өлеңдерін мәнерлеп оқыды.
05.09.2022 жылы "Мирас" колледжі мекемесі Тілдер мерекесіне орай "Тілім-тұғырым" атты іс-шараға қатысып, білім алушыларымыз Шымкент қалалық тілдерді оқыту орталығы, Шымкент қалалық "Әл-Фараби" кітапханасы және "Абай" кітапханаларымен бірлесе отырып өз өнерлерін көрсетті. "Отырар" және "Мың" телеарналарына білім алушыларымыз сұхбат беріп өтті.
2022 жылдың 1 қыркүйек күні «Мирас» колледжі мекемесінде «Білім күніне» арналған салттанатты жиын өтті. Ұстаздар қауымы білім алушыларды құшақ жая қарсы алды. Білім алушыларға колледж директоры Абуева Нургуль Курбановна ізгі ниетін білдіріп, жаңа оқу жылымен құттықтады.
01.07.2022 ж «Мирас» колледжі мекемесінде бітіруші білім алушыларға диплом табыстау рәсімі өтті.Салтанатты жиында түлектерге колледж директоры Абуева Нургуль Курбановна құттықтау сөздерін жолдады.Диплом табыстау рәсімін мерекелік концерт толықтыра түсті.Түлектердің атынан студенттер мен ата-аналар сөз алып,колледж ұжымына ризашылықтарын білдірді.Қазақстанның болашағы жастардың қолында.Білім алушыларға ақ жол тілейміз!
Қазақстан халқы Ассамблеясының “Мәдениетті ұлт- мәдениетті ана” республикалық жоба аясындағы “ Ұлттық киім- ұрпаққа мұра” атты фестивальі өткізілді. Бұл іс-шарада “ Мирас” колледжі мекемесі шет қалған жоқ. Атаулы фестивальге “Теңіз толқыны” атты қазақи элементтер қосылған коллекциясымен Шарапова. А.Б. Құралбаева. Ұ. Д белсене қатысты.
Мирас» колледжі мекемесінде 10 маусым күні «Үздік оқырман-2022» сайысы өтті. Колледж кітапханашысы Г.И.Торебекова жоспар бойынша жасалған жұмыстарына есеп берді.
«Үздік оқырман-2022» сайысы 2 бөлімнен тұрды. 1 бөлім тақырып бойынша эссе жазу, 2 бөлім интелектуалды ойын.
Кітапханамен үнемі қатынаста, білімдерін жетілдіріп жүрген оқырмандарымызға арнайы жүлделер берілді.
Колледж директоры Н.К.Абуева оқырмандарға жүлделерімен құттықтап, кітап оқуға, шығармалар жазып білімдерін дамытуға шақырды.
