Шымкентте 2023 жылдың 17-21 сәуір аралығында жұмысшы және кәсіби мамандықты дәріптеу мақсатында ұйымдастырылған «WorldSkills Shymkent – 2023» өңірлік чемпионаты Шымкент қаласының білім басқармасына қарасты техникалық және кәсіптік білім беру ұйымдары, кәсіпорындармен бірлесе отырып, материалдық техникалық жабдықталған, қаланың 13 жетекші колледжі базасында өтті. Кәсіптік техникалық мамандықтардың деңгейін арттыратын бұл жобаға Қазақстан 2015 жылы алғаш рет қатысып, халықаралық деңгейде жүлделі орын иегері болған еді. Жоба аясында қоғамға ең қажетті маман иелерінің біліктілігін арттыру көзделген.
«WorldSkills Kazakhstan-2022» VІІ Республикалық чемпионаты
2022 жылдың 6 желтоқсан мен 11 желтоқсан аралығында «WORLDSKILLS KAZAKHSTAN 2022» VІІ Республикалық чемпионат Астана қаласында «EXPO» халықаралық көрме орталығы базасында болды. VII республикалық чемпионатқа еліміздің барлық өңірінен 500–ден астам WorldSkills өңірлік кезеңдерінің жеңімпаздары қатысты. 110 колледж студенті мен жас маман 30 құзырет бойынша жеңімпаз атанды. Олар 34 алтын, 38 күміс және 38 қола медаль жеңіп алды. Чемпионаттың тағы 144 қатысушысы үздік медальондармен марапатталды.
«WorldSkills Shymkent-2022» аймақтық чемпионаты
Аймақтық чемпионат «2022 жыл - Балалар жылы» аясында Шымкент қаласының білім басқармасы және кәсіпорындармен бірлесе отырып, ағымдағы жылдың 20-27 мамыр күндері аралығында «Жас маман» жобасы аясында заманауи құрал-жабдықтармен және техникалық жабдықталған құзыреттілік орталықтары қарастырылған, қаланың жетекші 15 колледжінің базасында өтілді.
"WorldSkills Kazakhstan-2019" - V Республикалық кәсіби шеберлік Чемпионаты қорытындысы
ҚР Білім және ғылым министрлігі және "Кәсіпқор" холдингі" коммерциялық емес акционерлік қоғамының ұйымдастыруымен 2019 жылдың 11-15 қараша күндері аралығында Нұр-сұлтан қаласында Еліміздің 3 қаласы, 14 облысынан 400-ден астам техникалық және кәсіптік білім беру ұйымдары студенттерінің қатысуымен "WorldSkills Kazakhstan-2019" -V Республикалық кәсіби шеберлік Чемпионаты өтті. Түркістан облысы командасы республика бойынша мықты үштікке енді. Мирас колледжі Түркістан облысының атынан 3 құзыреттілік бойынша қатысты. Герасимова Виктория, "Шаштараз өнері" қола медаль иегері, Захаренко Никита, "Жүйелік және желілік әкімшілдеу", медальон иегері, Понамарев Руслан, "Графикалық дизайн" ҚР БҒМ-нен сертификат иегері және де жоғарыда аталған компетенциялар бойынша үш сарапшы өз шеберліктерін көрсетті: Байтуреева А.Ш., Райымбекова А.С., Рахымбаев Н.Ө.
«WorldSkills Turkestan-2020» аймақтық чемпионаты
WorldSkills Turkestan 2020 – оқу орындары, сала және қоғамдық ұйымдар өкілдері бас қосатын, кәсіби шеберлікке қатысты маңызды және өзекті мәселелер талқыланған көп қырлы шара. Түркістан, Шымкент және Кентау қалаларында өткен WorldSkills Turkestan 2020 облыстық чемпионатында «Мирас» колледжі мекемесінің командасы жоғары нәтиже көрсетті.
«Ерлер шаштаразы-2020» атты байқау
Ағымдағы жылдың 31 қаңтарында Білім басқармасы және әдістемелік орталығы «Мирас» колледжінің базасында «Шаштараз өнері және сәндік косметика» құзыреттілігі бойынша «WorldSklls Turkestan-2020» облыстық байқауы аясында «Ерлер шаштаразы-2020» байқауын ұйымдастырып, өткізді.
