Мақсаттары: Білім алушылардың оқу үдерісінде дамуына, өзін-өзі жүзеге асыруына, әлеуметтенуіне, сондай-ақ физикалық, психологиялық және әлеуметтік денсаулығын сақтауға ықпал ететін жағдайларды қамтамасыз ету; Білім алушыларда өмірге оң бейімделуді қалыптастыру, оны адамның ата-аналармен, құрдастарымен, басқа адамдармен және қоршаған ортамен, сондай-ақ өз-өзімен саналы түрде салыстырмалы тұрақты қарым-қатынастар құру және дамыту үдерісі ретінде түсіндіру.
Міндеттері:
- Жедел көмек пен қорғауды қажет ететін білім алушыларды анықтау және алғашқы шұғыл психологиялық көмекті көрсету;
- Білім алушыларда әртүрлі мәселелерді ерте кезеңде анықтау мақсатында психологиялық-педагогикалық диагностика жүргізу, олардың пайда болу себептерін айқындау және алдын алудың тиімді жолдарын іздестіру;
- Оқу және қарым-қатынас барысында туындайтын қиындықтарды еңсеруге бағытталған білім алушыны жеке сүйемелдеуді әртүрлі нысандарда жүзеге асыру;
- «Қауіп тобындағы» білім алушыларды анықтау және оларды жүйелі түрде сүйемелдеу;
- Білім беру үдерісіне қатысушылардың барлығының психологиялық-педагогикалық құзыреттілігін арттыру, білім алушыларға, оқытушыларға және білім алушылардың заңды өкілдеріне оқу, әлеуметтік, эмоциялық-ерік салаларындағы мәселелер және ата-ана мен бала арасындағы қарым-қатынастар бойынша ақпараттық қолдау көрсету;
- Колледждің тәрбиелік-білім беру үдерісінде, сондай-ақ қиын өмірлік жағдай кезеңінде әртүрлі жас топтарындағы білім алушыларға психологиялық-педагогикалық қолдау көрсету жүйесін құру;
- Баланың заңды құқықтары мен мүдделерін қорғау және көмек көрсету мақсатында әртүрлі мемлекеттік органдар мен қоғамдық бірлестіктерді тарту;
- Жеке тұлғаның өзіндік «Мен» бейнесін, оның бірегейлігі мен қайталанбас ерекшелігін, сондай-ақ өзге адамдардың да даралығын қалыптастыру;
- Өзін-өзі өлтіруге нақты қауіп төндіретін жағдайларды уақтылы анықтау және жою;
- Студенттердің белгілі бір контингенті арасында суицидтік үрдістерді ерте кезеңде анықтау.
