ЖОО-ның сыбайлас жемқорлыққа қарсы жұмыстары
Сыбайлас жемқорлыққа қарсы іс-қимыл – әрбір азаматтың міндеті
Қазақстандағы мемлекеттік саясаттың негізгі басымдығы сыбайлас жемқорлыққа қарсы күрес болып табылады. Сыбайлас жемқорлық әлеуметтік құбылыс ретінде адам өмірінің барлық салаларына теріс әсер етеді, әлеуметтік-экономикалық даму процесін тежейді, демократиялық мемлекеттің саяси және қоғамдық институттарына теріс әсер етеді, елдің дамуына елеулі қауіп төндіреді.
Студенттерде сыбайлас жемқорлыққа қарсы дүниетанымды қалыптастыру мақсатында «Мирас» университетінде жыл сайын сыбайлас жемқорлыққа қарсы жұмыс жоспары әзірленеді және бекітіледі, лекторлық топтың жұмысы тұрақты негізде ұйымдастырылады, «Sanaly Urpaq» клубы жұмыс істейді. Осы қызмет шеңберінде сыбайлас жемқорлыққа мүлдем төзбеушілікті қалыптастыруға бағытталған түрлі іс-шаралар: әңгімелесулер, пікірталастар, пікірсайыстар, зияткерлік ойындар, құқық қорғау органдарының өкілдерімен кездесулер және тағы басқалар өткізіледі.
Университеттің әрбір студенті «Sanaly Urpaq» клубының негізінде өткізілетін заңгерлік сауаттылық тренингіне қатыса алады. Студенттердің оқуға деген тұрақты қызығушылығын ояту, білім салтанатын қалыптастыру үшін адалдық, ашықтық, еңбекқорлық, өзін-өзі тәрбиелеу сияқты жеке қасиеттерді насихаттау бойынша жоспарлы жұмыстар жүргізілуде. «Мирас» университеті студенттерінің бағдарламалық құжатында: «Студенттің/магистранттың ар-намыс кодексі» ЖОО-ның барлық білім алушылары ұстануға міндеттенетін академиялық адалдық қағидаттары қамтылған. «Мирас» университетінде жүргізіліп жатқан барлық сыбайлас жемқорлыққа қарсы жұмыс жастардың алған білімдерін студент өміріндегі кез келген сыбайлас жемқорлық құбылыстарына қарсы тұрақты иммунитетті қалыптастыруға бағытталған.
«Мирас» университетінің жастары сыбайлас жемқорлыққа қарсы!
