Университеттің артықшылықтарының бірі – білім берудің іргелілігін сақтау кезінде білім алу барысындағы тәжірибелік машықтарды тереңдете игеруді қамтамасыз ететін білім берудің тәжірибелік бағыттылығы болып табылады. Университет бітірушілерді жұмысқа тұрғызуға жәрдем беруге бағытталған жұмыстарды жүргізуде, бұл үшін тәжірибелер мен жұмысқа тұрғызуды ұйымдастыру бөлімі (ТЖҰБ) құрылған. Бөлімнің қызмет мақсаты – жас мамандарды жұмыс орындарымен қамтамасыз ету, бітірушілердің кәсіби танылуын қамтамасыз ету, экономикалық қызметтің әртүрлі салаларының білікті кадрларға деген сұраныстарын қанағаттандыру, университеттің рейтингін арттыру болып табылады.
Университеттің экономикалық қызметтің әртүрлі салаларындағы кәсіпорындармен өзара байланысы – Мирас университеті түлектерінің еңбек нарығындағы бәсекеге қабілеттілігін арттырудың ең тиімді механизмдерінің бірі.
Университет серіктестерінің бірі – Шымкент қаласының «Халықты жұмыспен қамту орталығы» МКК. Жұмыспен қамту орталығы кез-келген бітірушінің пайдалануына болатын бірқатар мемлекеттік бағдарламаларды жүзеге асыруда. Сондай жобалардың бірі – «Жұмыспен қамту жол картасы 2020». Бұл жобаға түрлі жастарға арналған бағдарламалар кіреді.
Бітірушілерге жұмыс іздеуде, атап айтқанда, түрлі мемлекеттік бағдарламалар бойынша бағдар алуы оңай болуы үшін Мирас университеті Шымкент қаласының «Халықты жұмыспен қамту орталығы» МКК-мен бірге ынтымақтастық туралы келісімге қол қойды.
Мирас университетінің 19 түлегі «Жұмыспен қамту жол картасы 2020» бағдарламасының арқасында жұмысқа орналасты. Мұндай бағдарламалар бойынша толық ақпаратты сіздер келесі сілтеме бойынша қадағалап отыра аласыздар. Шымкент қаласының «Жұмыспен қамту орталығындағы» бар бос жұмыс орындарын сіздер төмендегі сілтемеден таба аласыздар.
