Осы жексенбіде 9 қазанда «Gangsta» стиліндегі жалынды «кеш» өтті. Бір ғана «Gangsta» сөзінің өзінен аласұрған 30-шы жылдар, заң күшінің әлсіздігі, ұрлықтар, шабуылдар, джаз және романтика есімізге түседі.
Осы мерекенің міндетті шартының бірі дресс-код. Аласұрған 30-шы жылдардың ерекше антуражы бұл керемет саз әуенінің сүйемелдеуімен сәнді киінген жігіттер мен қыздар. Бойжеткендер өздерінің жібектен тігілген киімдерін маржанды әшекей мен бас киімімен биік өкшелі аяқ киіммен, сәнді торлы шұлықпен,үлбіреген шәлімен, ұзын моншақ пен жарқын гауһармен толықтырды. Гангстер жігіттеріміздің бейнесі бұл ресми, бір түсті, жолақты костюм, классикалық галстук-көбелек, тазаланған аяқ киім, үтіктелген ақ жейде, төс қалтада қол орамал немесе раушан,кеудеше, бас киім және таяқшамен көрсетілді.
Кеш қонақтары кіргеннен «30 жылдардағы Нью-Йорктің ауасын» сезініп, гангстерлік атмосфераға енді, ауа Шымкенттікі болғанымен, оның өзі керемет көңіл күйді туғыздырып, мерекелік кештің сезімін күшейтті. Кеш барысында қызықты әрі еркін атмосфераны біздің студенттер жасады. Әрқайсысы өзін Ұлы Гэтсби, Аль Капоне, Бонни және Клайд сезінетін көптеген қызықты ойындар өткізіліп, «түрменің мұрағатына арналған» арнайы баннерінде барлық қонақтар суретке түсті. Полицияның құпия мұрағатынан кешке қатысқандардың суретін алып, Мирас университетінің мафиоздары қалай демалатынын біле аласыздар. Сіздерден осы суреттердің барлығын қарап шығып, сақ болуларыңызды сұраймыз, өйткені олар қауіпті әрі қаруланған! Бәлкім, сіз оларды бір жерден көрген шығарсыз, әлде танитын шығарсыз. «Мирас» Интерполы оларды іздестіруде!
