«Мирас» университетіндегі биылғы дизайн апталығы бейресми «Арт нысан тұлға» тақырыбында өтті.
Университет холында студенттер – болашақ дизайнерлер қатысқан көрме ұйымдастырылды.
Көрмеде жеке де, ұжымдық та шығармашалық жұмыстар көрсетілді.
Қойылған жұмыстардың арасында қолөнер бұйымдары, түрлі жобалар, макеттер мен басқа да көптеген нәрселер болды.
Бейнебір сиқырлағандай, дизайнерлердің шебер қолдарында кәдімгі қоқыстар өнер туындыларына айналды.
Пластик бөтелкелер ертегідегі тауысқа, теңіз балықтарына айналды.
Осылай, студенттер шығармашылық арқылы экологияны қорғауға шақырды.
Ең көрнекті жұмыстардың бірі – «Еркіндік» деп аталатын, 3D модельдеу техникасымен қағаздан жасалған қыздың мүсіні болды.
Шкафтан босап шығуға ұмтылған ол бейнебір суретшінің қалыпты шеңберден шығып, шығармашылық ойға еркіндік бергісі келетін ниетін аңғартып тұрғандай.
Бұл жұмыстың авторы – 2-ші курстың студенті Анастасия Амельченко.
Өзінің авторлық фотоеңбектерін 2-ші курстың студенті, болашақ дизайнер, жас фотограф Юлия Басистова да таныстырды.
Бір апта бойы «Дизайн» кафедрасының студенттері мен оқытушылары «Реддизайн – тері аксессуарларды өрнектеу», «Бір жіппен жалғанғандар», «Тоқымалы граффити», «Хенд-арт» сияқты түрлі тақырыптарда шеберлік сыныптарын өткізді.
Өнерге өзге мамандықтағы студенттер де өз үлестерін қоса алды.
Дизайнерлер лумда тоқудың техникасын ерекше әдіспен таныстырды.
Бұл жағдайда лумды қатысуға ниет білдірген студенттер қолдарының көмегімен бейнеледі.
Олар ортасына тұрып, тілек тілеуге болатын құбылмалы түрлі-түсті құбырды өріп шықты.
Біздің болашақ дизайнер-модельерлеріміздің ұйымдастырған сән көрсетілімін де атап өтпеуге болмайды.
Топтамаларда матадан ғана емес, қолда бар материалдардан, полиэтиленнен және т.б. заттардан да тігілген ғажап көйлектер мен костюмдер көрсетілді.
4-ші курс студенті Гүлбар Сатимова теріні күйдіру техникасымен қолдан жасалған ұлттық өрнек нақыштары бар авторлық костюмін таныстырды.
Дизайн апталығының соңында оның қорытындылары шығарылып, ең белсенді студенттер грамоталармен марапатталды. Одан кейін дәстүрге айналған «Дизайнерлер отшашуы» болды!
Бірақ, «Дизайн апталығы-2015» шарасын «Бейнелеу өнері мен сызудан Шымкент қаласының мектеп оқушылары арасындағы олимпиаданың» өтуі қорытындылады.
«Мирас» университетінің дизайнерлері келесі жылы тағы да бәрін таңқалдыруға уәде беріп отыр!
Мақала авторы: Голинских Виктория
Фотосуретші: Басистова Юлия
