2019 ж. 27 қыркүйекте ПП, ПМ, ДФ және ИФ секторы Оскар сыйлығына екі рет ұсынылған JohnSarno жаттықтырушысынан актерлік шеберліктің жеке сабақтарын алған, Лос-Анжелестен келген актерлік шеберлік бойынша жаттықтырушы, актер, сценарист және режиссер Абубакр Ерматовтың авторлық курсын ұйымдастырып өткізді.
Шеберлік сабақ өткізудің мақсаты: студенттердің жеке басының жан-жақты дамуын қалыптастыру, қиялын дамыту, импровизация, өзіне сенімділік, қарым-қатынас дағдыларын дамыту.
Актерлік шеберлік бойынша шеберлік сыныбы қарым-қатынастағы эмоциялық кедергілерді жоюға, ұжымда эмоционалды жайлы атмосфераны құруға, табысқа жету жағдайын құруға бағытталған, студенттерге өздерін көрсетуге мүмкіндік берді.
Жалпы алғанда, қатысушылар шеберлік сабағына жоғары деңгейде қатысып, қызығушылық танытты, пікірталастарда, жаттығуларда, топтарда бірлескен жұмыстарда жоғары белсенділік көрсетті.
