2026 жылдың 25 сәуір күні «Таза Қазақстан» республикалық экологиялық акциясы Қазақстанның барлық өңірлерінде кең ауқымды іс-шара ұйымдастырылды. «Шымкент қаласы Жастар саясаты басқармасы» КММ-нің ұйымдастыруымен «Таза Қазақстан» республикалық экологиялық акциясы аясында қаламыздың тазалығы мен экологиялық жағдайын жақсарту мақсатында тазалық жұмыстары жүргізілді.
Осыған орай, аталмыш іс-шараға ІТ және телекоммуникациялар секторының студенттері белсенділік танытып қатысты. Іс-шара барысында студенттер аумақты тазалау, ағаштарды күтіп-баптау және көшет отырғызу жұмыстарын жүргізді.
Қазақстан Республикасының Президенті Қасым-Жомарт Тоқаевтың қатысуымен республикалық телеконференция өткізілді. Телеконференцияда ел өңірлерінде өткізіліп жатқан экологиялық шаралар туралы ақпарат көрсетілді.
Жалпы, Шымкент қаласында өткен «Таза Қазақстан» республикалық экологиялық акциясы қаланың экологиялық жағдайын жақсартуға өз үлесін қосып қана қоймай, тұрғындарды бір ортақ мақсатқа біріктіріп, тазалық пен табиғатты аялау құндылықтарын насихаттауға мүмкіндік берді.
