2026 жылдың 27 сәуірінде Мирас университетінің «ІТ және телекоммуникациялар» секторының оқытушылары мен студенттері «Жүректен жүрекке» атты қайырымдылық акциясын ұйымдастырып, Түркістан облысындағы арнаулы әлеуметтік қызметтер көрсету орталығына барды.
Іс-шараның негізгі мақсаты – қарттар үйінде тұратын қарияларға құрмет көрсету, олардың көңіл-күйін көтеріп, жан жылуын сыйлау болды. Акция барысында ұйымдастырушылар тарапынан қарияларға қажетті дәрі-дәрмектер мен шай дастарханына арналған тәттілер табысталды.
Сонымен қатар, студенттер мен оқытушылар қариялармен еркін әңгімелесіп, олардың өмірлік тәжірибелерімен бөлісіп, рухани қолдау көрсетті. Мұндай кездесулер ұрпақтар сабақтастығын нығайтып, жастардың бойында адамгершілік пен мейірімділік қасиеттерін қалыптастыруға ықпал етеді. «Батаменен ел көгерер» демекші, қариялардан алынған ақ бата мен жылы лебіздер қатысушыларға ерекше әсер қалдырды. Қарттар – қоғамымыздың қазынасы, тарихымыздың тірі куәсі. Оларға құрмет көрсету – әрбір азаматтың парызы.
