8.04.2026 жылы Шымкент қаласы Әл-Фараби аудандық полиция басқармасының ювеналдық полиция тобының инспекторлары Искакова Динара Адильбековна және Жумагул Меруерт Сағыналықызы, сондай-ақ Жастар саясаты басқармасының бас маманы Тұрғанбай Болат Жаппарұлы және “Жастар ресурстық орталығы” КММ-нің “Жастарды қолдау және стратегиялық даму” бөлімінің басшысы Әлім Арайлым Ерланқызының қатысуымен «Мирас университетінде» кәмелетке толмаған студенттер арасында профилактикалық түсіндіру жұмыстары өткізілді.
Профилактикалық шараның мақсаты – жастар арасында құқықтық сауаттылықты арттыру, саналы әрі жауапты азамат қалыптастыру.
Кездесу барысында студенттерге құқық бұзушылықтың алдын алу, қоғамдық тәртіпті сақтау, түнгі уақытта ата-анасының немесе заңды өкілдерінің еріп жүруінсіз сыртта болуға болмайтыны, жол қозғалысы ережелерін сақтау, сондай-ақ зиянды әдеттерден аулақ болу мәселелері кеңінен түсіндірілді. Сонымен қатар, кәмелетке толмағандардың құқықтары мен міндеттері, интернет қауіпсіздігі, кибербуллинг пен сталкингтің (қудалау) алдын алу, нашақорлық пен алкоголизмнің зияны, тұрмыстық және қоғамдық ортадағы қауіпсіздік шаралары, төтенше жағдайлар кезіндегі әрекет ету ережелері, академиялық адалдық және оқу тәртібі мәселелері қамтылды.
Сондай-ақ, Қазақстан Республикасының қолданыстағы заңнамаларына сәйкес кәмелетке толмағандардың жауапкершілігі, құқық бұзушылықтардың салдары және олардың болашаққа әсері жөнінде түсіндірме жұмыстары жүргізілді.
