Бухгалтерлік есеп бойынша I қалалық жоо-аралық олимпиада өткізді

2018 ж. 11 мамыр күні  «Мирас» университеті «Бухгалтерлер ассоциациясы» кәсіби ұйымымен бірлесе отырып Бухгалтерлік есеп бойынша і қалалық жоо-аралық олимпиада өткізді.

Олимпиаданың мақсаты:

  • білім алушылардың таңдаған мамандықтарына қызығушылықтарын арттыру;
  • білім алушылардың заманауи экономикалық ойларын дамыту;
  • аса қабілетті студенттерді анықтау және оларды ғылыми, тәжірибелік жұмыстарға тарту;
  • ЖОО арасында өзара байланыстарды дамыту;
  • пәндерді оқыту әдістері мен мазмұнын жетілдіру бойынша ЖОО оқытушылары арасында тәжірибе алмасу.

Олимпиада бір турда өткізілді. Тур екі бөлімде өткізілді.

Бірінші бөлім: тесттерді шешу (бухгалтерлік есеп теориясы, қаржылық есеп және есептілік, Қазақстан Республикасында бухгалтерлік есепті нормативтік реттеу жүйесі бойынша 30 сұрақ).

Екінші бөлім: үш есеп шығару.

Конкурстық тапсырмалар келесі тақырыптар бойынша құрастырылады:

  • активтердің есебі;
  • міндеттемелер мен капитал есебі;
  • табыстар мен шығындардың есебі;
  • қаржылық есептілік.

Олимпиадаға Шымкент қаласының жоғары оқу орындарының студенттері қатысты («Мирас» университеті, М.Әуезов атындағы ОҚМУ, ХГТУ, М.Сапарбаев атындағы ОҚГИ, АӘИУ, ОҚПУ). «Мирас» университетінен қатысқан «Баланс» және «Умники-разумники» командалары жеңімпаз атанып, 2 және 3 жалпыкомандалық орындарды иеленді.

 

ҚҰТТЫҚТАЙМЫЗ!!! Жаңа табыстар, жаңа жеңістер тілейміз!